Novas por contido

O día 4 de maio constituíuse a comisión de seguimento sobre a aplicación das instrucións sobre o réxime de vacacións, permisos e licenzas aprobadas por Resolución do 24 de febreiro de 2016.

1º.- ACLARACIÓN DAS “X” OU “H” NAS DIFERENTES CARTELEIRAS

Manifestan que son graciábeis por parte da administración e que polo tanto consideranas como días hábiles.

A CIG manifesta:

  • Si son consideradas hábiles na maioría das carteleiras pasariámonos de xornada e a maiores se produciría solapamento entre xornadas.
  • Esta actitude o único que provoca é que se xudicialicen as relacións laborais de continuo.
  • Si as “x” ou “h” so graciábeis e non están definidas, solicitamos que nos digan que significa, e si cando figura nunha carteleira temos que ir a traballar ou non, porque si non temos que ir a traballar é surrealista que para as vacacións se consideren hábiles.

Función Pública: estudiaranno e nos contestarán.

2º.- A CIG PREGUNTA COMO SE PODEN PEDIR VACACIÓNS NO MES DE XANEIRO SE NON EXISTE CARTELEIRA

Contestan que o estudarán para solucionalo.


3º.- OBRIGATORIEDADE DE PEDIR OS DÍAS SOLTOS DE VACACIÓNS AO MESMO TEMPO QUE TODAS AS OUTRAS

Función pública interpreta que os 6 días soltos de vacacións son vacacións e téñense que pedir como as outras.

A CIG manifesta que iso é inaceptábel, que se acordou nas instrucións que as vacacións se puideran pedir así precisamente por si xorden cuestións inesperadas.

F.P manifesta que o estudarán e nos contestarán.

4º.- PERMISO POR HOSPITALIZACIÓN, ......

Preguntamos si no caso de que estando unha persoa hospitalizada para unha intervención cirúrxica, teñen que realizarlle outra intervención máis por unha causa diferente continuando hospitalizada, se considera que existe un novo permiso ou é o mesmo. Función Pública interpreta que no caso de que existan dous feitos causantes estes produciran dous permisos diferentes (foi o único positivo da xuntanza)

5º.- DÍAS 24 E 31 DE DECEMBRO DE 2016.

Preguntamos a interpretación de función pública sobre a cuestión de si as persoas que teñan o seu día de descanso semanal en sábado ou domingo e caen a 24 ou 31 de decembro teñen dereito a dous días de asuntos particulares. Manifestan que non, que soamente teñen dereito aos días a maiores as persoas que o traballen.

Dende a CIG consideramos que isto é unha discriminación absoluta e que continúan a maltratar ao persoal que traballa a quendas os 365 días do ano e en particular ao persoal da Consellería de Política Social. Manifestamos que continúan a querer xudicializar continuamente as condicións de traballo do persoal da administración galega.

6º.- CULTURA BIBLIOTECA A CORUÑA

Explicamos o que está a ocorrer na Biblioteca González Garcés da Coruña, que a dirección pretende facer unhas propias instrucións. Manifestan que están de acordo coas mesmas, despois de protestar todas as OO.SS. dín que o estudarán.

7º.- DÍAS ADICIONAIS DE VACACIÓNS E A.P. AO PERSOAL QUE ESTÁ EN UNHA XUBILACIÓN PARCIAL

Manifestan que entenden que son proporcionais e que así está na páxina web de función pública. O persoal que traballe 3 meses e 30 anos de servizo terá dereito a 7 días de vacacións e 3 días de asuntos particulares.

Outras novas recentes

Martes, 21 Outubro 2025

A CIG denuncia a situación irregular e clientelar das comisións de servizo na Xunta de Galiza, en especial na Consellaría do Medio Rural

Nos últimos días coñecéronse novos anuncios de comisións de servizo na Consellaría do Medio Rural. Algunhas delas corresponden a prazas que xa foron adxudicadas de forma definitiva o 16 de outubro, e cuxas persoas titulares aínda nin sequera tomaron posesión. O persoal funcionario interino que se atopa ocupando esas prazas non foi cesado. Esta situación non é un feito...
Mércores, 29 Outubro 2025

Boletín CIG Saúde Laboral nº 63: radón nos centros de traballo

Poñemos ao teu dispor o Boletín CIG Saúde Laboral Nº 63, publicación en materia de prevención de riscos laborais e saúde laboral, elaborada polo Gabinete Técnico Confederal de Saúde Laboral da Confederación Intersindical Galega. Contidos:         O radón Municipios prioritarios Metodoloxía Medicións Informes de resultados Descarga boletín 63 de Saúde laboral Está a túa...
Martes, 21 Outubro 2025

RPT IGVS (para CP 24/10/25)

A Dirección Xeral de Emprego Público e Administración de Persoal convocou unha xuntanza da Comisión de Persoal para o día 24 de outubro, co seguinte punto da orde do día: Proposta de modificación da Relación de Postos de Traballo (RPT) do Instituto Galego da Vivenda e Solo (iGVS) Esta proposto pasou pola Mesa Sectorial de Negociación de Persoal Funcionario (MSF) o pasado...