Novas por contido

En primeiro lugar manifestan que o horario de verán para o persoal que o pode gozar é dende o día 16 de xuño ata o día 15 de setembro, será publicado hoxe ou mañá nos mesmos termos que o do ano pasado

1º.- Interpretación das “X” en Política Social e das “H” en Medio Rural

Función Pública manifesta que non considera as “x” e as “h” como días hábiles, polo que se teñen que contar para ás vacacións como si foran días de traballo normais.

A CIG manifesta que se da o paradoxo de que si se traballa eses días non se vai a traballar, pero si se está de vacacións si. As interpretacións de función pública son totalmente surrealistas.

2º.- 24 e 31 de decembro

Manifestan que o persoal a quendas non ten días a maiores de asuntos particulares por estes días, soamente terán un día máis no caso de que se traballe.

A CIG manifesta que isto é o non vai máis da discriminación a un persoal con respecto a outro, xa que é tan inxusto que o día que anuncian o horario de verán, ao persoal a quendas se lle recorta o dereito a gozar dos días 24 e 31 de decembro, case como se foramos apestosos.

Dende a CIG preguntamos tamén pola nota de réxime interior de Ourense, onde dí que ningún persoal dos centros terá dereito aos 8 días de asuntos particulares, e rizan o rizo contestando que o persoal de oficina dos centros sí o outro persoal, aínda que traballe de lúns a venres en horario de mañá non (sen comentarios xa....)

3º.- Días por falecemento de un familiar no estranxeiro

Función pública dí que nestes casos vai a dar dúas opcións:

  • Coller os días seguidos ao feito causante
  • Coller os días cando chegue do estranxeiro no caso de que sexa aquí o soterramento.

4º.- Interpretación vacacións días hábiles para Axentes Forestais

Consideran, como non podía ser doutro xeito (modo retranca on) que os únicos días que son inhábiles para o computo das vacacións son os dous días de descanso semanal, os outros días cóntanse, se traballe ou non.

Despois de moito discutir Función Pública dixo que nos contestaría por escrito a estas cuestións no caso de que cambiara de opinión.

Na mesa tamén se manifestou que as instuccións din o que din e que todas as organizacións sindicais estaban de acordo con elas xa que se abstiveron, excepto a CIG QUE VOTOU EN CONTRA.

Outras novas recentes

Luns, 21 Abril 2025

Concursos traslados nautico-pesqueiras, extensión pesqueira, arqueólogos, restauración, delineantes, arquivos, biblitoecas, museos. E mái...

O mércores 16 de abril foron aprobadas as convocatorias dos concursos de traslados de profesores e mestres das escolas nautico-pesqueiras, axentes de extensión pesqueira, arqueólogos/as, restauración, delineantes, arquivos, bibliotecas e museos. Na rolda aberta de intervencións, tratáronse os seguintes asuntos: RPT das oficinas de emprego, RPT da categoría I-40 (titulado/a...
Mércores, 23 Abril 2025

Aviso de publicación do FAS 2024 no DOG do 25/04/25 (axuda á atención de persoas con discapacidade)

Emprego Público vén de informarnos da publicación inminente no DOG da seguinte convocatoria da axuda á atención de persoas con discapacidade (o mal chamado FAS2024): Resolución da Dirección Xeral de Emprego Público e Administración de Persoal, pola que se ordena a publicación do acordo do Consello da Xunta de Galiza pola que se autorizan os criterios de reparto...
Luns, 21 Abril 2025

Comité de Seguridade e Saúde Laboral de Medio Rural (11/04/2025)

O día 11 de abril do 2025 reuniuse de xeito ordinario o Comité de Seguridade e Saúde Laboral da Consellería de Medio Rural. A CIG solicitou que se convocara o CSSL por incumprimento da Lei de riscos laborais. A presidenta comprometeuse a facelos de xeito trimestral e emprazou o próximo comité para a terceira semana de xuño. Temas tratados: 1. Prego de prescricións técnicas...