Novas por contido

O mércores, 8 de xuño, a CIG facía pública a denuncia que presentamos perante a Axencia Española de Protección de Datos por vulneración da normativa vixente en protección de datos que afecta ás persoas usuarias do certificado electrónico da tarxeta de empregada e empregado público da Xunta de Galiza.

Actualmente a empresa certificadora é AC CAMERFIRMA S.A., unha sociedade mercantil participada polo Consejo Superior de Cámaras de Comercio, varias cámaras de comercio españolas e o grupo bancario Banesto. Anteriormente, os certificados foran xerados pola entidade pública empresarial Fábrica Nacional de Moneda y Timbre - Real Casa de la Moneda.

Pois ben, desde febreiro, nas condicións que aceptábamos obrigatoriamente ao solicitar ese certificado dixital, estábamos cedendo os nosos datos á dita empresa e á Camara Oficial de Comercio, Industria, Servizos e Navegación de España para que "nos mantiveran informados das súas actividades propias".

O mesmo día que a CIG difundía esta información, a Xunta publicou na súa intranet a seguinte nota informativa no seu web, onde recoñece o "erro" e que xa actuou en consecuencia; un erro que se prolongou no tempo desde febreiro ata xuño. Sexa ou non erro, o caso é que estamos ante unha vulneración da normativa vixente en materia de protección de datos e será a Agencia Española de Proteccion de Datos a que decida as consecuencias.

Nota informativa sobre a emisión de certificados

09 de xuño de 2016.- En relación á información xurdida sobre a emisión de certificados de empregados públicos por parte da entidade Camerfirma, adxudicataria do servizo de acreditación dixital do persoal ao servizo do sector público autonómico, realízanse as seguintes aclaracións:

  • Segundo as condicións establecidas no contrato asinado con esta administración pública, Camerfirma unicamente pode facer uso dos datos de carácter persoal para a realización das funcións inherentes á prestación do servizo para o que está contratada.
  • Unha vez que a Xunta identificou un erro nas cláusulas incorporadas por parte de Camerfirma na emisión dos certificados, solicitóuselle a esta entidade a realización das seguintes accións:
    • Modificación inmediata das cláusulas relativas ao outorgamento de consentimento para a cesión de datos. Na actualidade estas xa non figuran.
    • Solicitude da revogación inmediata desas condicións nos certificados xa emitidos.

Informar, ademais, de que esta situación afecta unicamente aos certificados emitidos por Camerfirma no período comprendido entre o 2 de febreiro e o 7 de xuño de 2016.

Outras novas recentes

Xoves, 19 Novembro 2026

Oposicións acceso libre: corpos superior, xestión, administrativo, auxiliar; escala FOL; enquisador, (para 24/11/26)

A Dirección Xeral de Emprego Público e Administración de Persoal convocou Mesa Xeral e Mesa Sectorial para discutir as bases das convocatorias dos seguintes procesos selectivos. Se é do teu interese, podes contactar coa CIG: Corpo superior-A1. Acceso libre. 60 prazas. Oposición. Descargar Corpo de xestión-A2. Acceso libre. 57 prazas. Oposición. Descargar Corpo...
Mércores, 18 Novembro 2026

Promoción interna corpos xerais, destinos veterinarios/as, gardacostas, PSX, funcionarización en excedencia (CP 17/11/26)

Na Comisión de Persoal do 17 de novembro votáronse as convocatorias de procesos selectivos de promoción interna para o corpo superior A1, corpo de xestión A2, e corpo auxiliar C2 . O noso voto foi en contra das bases desas convocatorias xa que non estamos conformes coas restricións do número de prazas, de escalas nin de recualificación dos postos ou dalgún sistema que...
Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...