Posta en marcha da recollida de sinaturas acordada cos traballadores e traballadoras do SPDCIF na asemblea celebrada en Silleda o pasado 21 de xuño.
Dando cumprimento aos acordos acadados na asemblea de Silleda, CIG e CSIF veñen de iniciar unha campaña de recollida de sinaturas para esixir a convocatoria de OEP para a cobertura de tódalas vacantes existentes no SPDCIF como persoal laboral, prévio a calquér proceso de funcionarización e denunciar a estafa que supón para os traballadores e traballadoras temporais o gravísimo incumprimento da Xunta de Galiza do seu compromiso de publicar as convocatorias de acceso libre das oposicións ás prazas de persoal laboral do SPDCIF ofertadas na OEP do ano 2016, máis aínda cando ten previsto convocar de forma inminente a promoción interna.
Os documentos coas sinaturas dos traballadores e traballadoras remitiránse ao Presidente da Xunta de Galiza, presentándose por rexistro o vindeiro día 14 de xullo, día no que está convocada a MANIFESTACIÓN a prol das oposicións de persoal laboral do SPDCIF e contra a precariedade e a inestabilidade laboral.
Dende CIG máis CSIF instamos a todos os traballadores e traballadoras do SPDCIF a participar activamente nestes actos reivindicativos para garantir o dereito de todos e todas a estabilizar os seus postos de traballo e rematar coa vergoñenta taxa de temporalidade existente no Servizo de Prevención e Defensa contra Incendios Forestais da Xunta de Galiza.