Novas por contido

A CIG-Administración Autonómica na comarca de Lugo-A Mariña, a teor da situación que se produciu no Laboratorio de Saúde Pública de Galiza así como noutras dependencias do Edificio da Xefatura Territorial de Sanidade na provincia de Lugo pola presencia dun “gas descoñecido” que produce diferentes síntomas no persoal que presta os seus servizos nese edificio, quere manifestar o seguinte:

• Que imos seguir vixilantes con todas as accións que se poidan levar a cabo ante esta situación e poñer todo o noso empeño en preservar a saúde do cadro de persoal.

• Que a Consellería de Sanidade adoptou a medida do cese da actividade pero non coa celeridade que se lle requiriu tanto polo persoal directamente afectado como polos seus e as súas representantes. A pesar das actuacións levadas a cabo por parte dos órganos directivos, o persoal foi en todo momento consciente de que estaban expostos a un risco descoñecido mentres estes órganos valoraban a oportunidade ou non do cesamento da actividade no edificio.

• Que o pasado luns, día 11 de decembro, durante unha actuación da Inspección de Traballo ao edificio foi cando se decidiu o cesamento da actividade no laboratorio por parte da administración. Esta inspección determinou a necesidade de paralizar a actividade non só no laboratorio senón que ampliou esta medida a outras áreas da Xefatura Territorial de Sanidade no edificio.

• Que a CIG quere manifestar a súa decidida implicación neste asunto e o seguimento que vai realizar para ver a evolución desta crise e para obrigar ao cumprimento da lexislación vixente en materia de prevención de riscos, especialmente no que atinxe á paralización da actividade cando se produce un risco grave ou inminente (art. 21 da Lei 31/1995 de prevención de Riscos Laborais).

• Que a raíz das publicacións destes días nos medios de comunicación, e en concreto á constitución dun gabinete técnico por parte do delegado territorial da Xunta de Galiza en Lugo, esiximos que o persoal afectado ou susceptible de selo, estea en todo momento informado da evolución desta situación así como das decisións que se tomen.

• Que a día de hoxe o Comité de Seguridade e Saúde da Consellería de Sanidade está sen constituír e esta é unha eiva que debe de ser resolta de inmediato debido á importancia deste órgano en casos como o que nos ocupa.

• Que se debe ter en conta que aínda se descoñecen as causas desta situación polo que o feito de que algunhas persoas non teñan presentado sintomatoloxía ata o momento, non quere dicir necesariamente que non estean expostas a este “axente descoñecido do aire” polo que se debe extremar a vixilancia neste colectivo.

Outras novas recentes

Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...