Novas por contido

alt

A CIG-Autonómica, co apoio das demais centrais sindicais, concentrouse o xoves 29 de xullo diante do Edificio Administrativo de Pontevedra para reclamar que a Escola Infantil nel localizada sexa de xestión pública. Esta demanda, que xa vén de moi atrás,  reavivouse coa publicación no DOG do 23/07/2010 da convocatoria pública do procedemento de contratación. O obxecto é poñer de manifesto o noso rexeitamento á entrega deste servizo (e o coidado das nosas fillas e fillos) aos intereses económicos dunha empresa privada.

Xa desde moito antes de que o persoal se trasladara ao Edificio Admistrativo, a CIG víña demandando a prestación deste servizo e a súa xestión pública. Por esta razón tivemos varias reunións tanto coa secretaria territorial de Traballo e Benestar como co secretario territorial de Presidencia, dando traslado ademais das inquedanzas das persoas usuarias á Xunta de Persoal e aos Comités de Empresa afectados, sendo totalmente ignoradas as nosas demandas.

Esta é unha proba máis da estratexia utilizada por este goberno desde a súa creación para ir desmantelando paulatinamente todos os servizos públicos (residencias de maiores,  incendios, comedores escolares...). Neste caso,  ao ser publicada no momento en que parte do persoal afectado está gozando das vacacións, dificultouse unha reacción máis contundente na resposta. Sen embargo, se a Administración non atende as nosas demandas, en setembro intensificaremos o calendario de mobilizacións.



Outras novas recentes

Venres, 20 Xuño 2025

Caótica xestión da Xunta de Galiza na residencia de Taboadela: diñeiro público malgastado e atención precaria

Dende a Confederación Intersindical Galega (CIG) erguemos a voz unha vez máis para denunciar a situación crítica do Centro de Maiores de Taboadela, do Consorcio Galego de Servizos de Igualdade e Benestar e a "actitude irresponsable e despilfarradora" da Xunta de Galiza. A Administración Autonómica mantén a persoal na casa cobrando sen traballar, mentres que nas instalacións...
Mércores, 25 Xuño 2025

Nova etapa para o persoal do Parque Nacional Illas Atlánticas

Grazas a un intensivo traballo sindical da CIG o persoal do PN das Illas Atlánticas regula e mellora notablemente as súas condicións de traballo. O Acordo foi asinado o mércores 25 de xuño coa conselleira de Medio Ambiente e Cambio Climático e o conselleiro de Facenda e Administración Pública. Dende a transferencia á Xunta en 2008, o Parque Nacional das Illas Atlánticas...
Martes, 24 Xuño 2025

Voto a favor condicionado da CIG-Autonómica ao I Plan de Igualdade do Consello de Contas (23/06/2025)

A CIG avoga por un I Plan de Igualdade máis ambicioso e efectivo, cun ámbito temporal de 3 anos de duración —en vez de 4—, ademais de promover que a enquisa de igualdade ao persoal se adiante ao primeiro ano do plan. Consello de Contas de Galiza: 18 anos de atraso na aprobación do I Plan de Igualdade Todas as Administracións Públicas teñen a obriga de contar cun plan de...