Novas por contido

O Tribunal Supremo vén de confirmar a sentenza do TSXG onde se lle obriga a Xunta de Galicia a pagarlle a nocturnidade ao persoal do SPDCIF.

A partir de agora o persoal que xa tivera presentada a demanda no xulgado, estando paralizada pola resolución do Supremo, verá como se reactiva resolvéndose dunha vez por todas. O persoal que non tivera feito a reclamación pode pasar polos locais da CIG a facela.

CC.OO. terá que explicar agora por que non asinou o acordo e por que se posicionou en contra da denuncia no xulgado, nun intento de perxudicar ao persoal do Servizo de incendios. Cada día estase a demostrar de xeito máis claro que o que motivaba a CC.OO. non eran os intereses do persoal do SPDCIF, senón outros ben distintos.

Agora diranvos que os seus servizos xurídicos vos poden levar as reclamacións, incluso pode que vós pidan diñeiro por facelo, pero o certo é que puxeron todas as pedras posíbeis no camiño para que a Xunta de Galicia non pagara, boicoteando o proceso,  Por fin, quedou demostrado que a Xunta ten a obriga de pagar, é dicir, que si se traballa de noite cóbrase a nocturnidade, en aplicación do V Convenio Colectivo Único para o Persoal Laboral.


Outras novas recentes

Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Xoves, 14 Agosto 2025

A CIG e os outros sindicatos esiximos solucións aos problemas das gardas e seguridade dos axentes ambientais de Patrimonio Natural

E solicitamos ter unha reunión, en canto remate a vaga de lumes, coa Consellería de Medio Ambiente e Cambio Climático. No día de onte, 13 de agosto de 2025, enviouse comunicación aos axentes ambientais do Servizo de Patrimonio Natural das catro provincias galegas de que acudiran a apoiar nos incendios forestais. Esta comunicación foi feita principalmente por wassapp e por...
Xoves, 14 Agosto 2025

Arde Galiza e evidéncianse os problemas na xestión do servizo de incendios: accidentes e graves situacións de risco

Aínda non chegamos a segunda quincena de agosto e as previsións cúmprense antes de tempo. Estamos tendo unha campaña de verán de lumes durísima, altamente perigosa e con milleiros de hectáreas queimadas. Máis os expertos anuncian que o peor virá nas próximas xornadas con Grandes Incendios Forestais (GIF) e condicións de alto risco para a cidadanía e para as bombeiras e...