Novas por contido

O Conselleiro Méndez Romeu da orde a Función Pública para que paralice todos os procesos que están en trámite. É inaudito que unha Administración Pública se  permita o luxo de estar parada por mor dun cambio de goberno. A administración ten que funcionar independentemente do poder político e este tipo de actuacións por parte do goberno son unha irresponsabilidade máis de cara á cidadanía e de cara ás/aos traballadoras/es.

O Sr. Méndez Romeu esta a se pregar ante as presións dos sindicatos CCOO e CSI-CSIF que o único que pretenden é que non se  mova un papel ata que chegue o novo goberno do Partido Popular. Isto significa que todas as ofertas de emprego negociadas, a promoción interna e os nomeamentos dos tribunais non van ser publicados no DOG polo goberno en funcións.

Qué clase de sindicatos son os que fan presións ao goberno para que non  publique as oposicións de laborais da oferta de 2008, o concurso de traslados de funcionarios/as e laborais, as modificacións das Relacións de Postos de Traballo que foron negociadas con anterioridade?. Para cándo o persoal funcionario vai ter a promoción interna que tiñamos negociado?

CC.OO. e CSI-CSIF son corresponsables xunto coa Consellaría de Presidencia de que todo o negociado e pactado co actual goberno quede en “auga de borraxe” se o PP cando chegue a San Caetano se nega a negociar.

Dende a CIG esiximos a Función Pública e á Consellaría do Sr. Méndez Romeu que os procesos cuia negociación quedou pechada con anterioridade á celebración das eleccións ao Parlamento de Galiza sigan o seu trámite co fin de non obstaculizar máis o normal funcionamento da Administración Pública.

Outras novas recentes

Venres, 20 Xuño 2025

Concurso traslados persoal veterinario, laboratorio, condución, cociña, subalterno, limpeza e cociña...(MSF 24/06/25)

Vimos de ser convocados para unha Mesa Sectorial de Funcionarios Públicos para o vindeiro martes día 24 de xuño na que se tratará: Concurso de traslados escala de veterinarios/as. Documentación: convocatoria. Buzón de postos.  Concurso de traslados. Documentación: convocatoria. Buzón de postos. Subgrupo C1: persoal de laboratorio, mantemento de servizos, de condución, de...
Mércores, 18 Xuño 2025

Mobilízate pola profesionalización das cociñas da Xunta e os dereitos do persoal non docente

Fartas xa desta Adminstración Pública que mingunea ao persoal que traballa nas cociñas de xestión da Xunta de Galiza e pisa os dereitos do persoal non docente nos centros de ensino públicos, convocámoste á movilización que terá lugar o vindeiro día luns 30 de xuño ás 11 horas que partirá dende diante da Consellaría de Educación nos edificios administrativos de San...
Mércores, 25 Xuño 2025

Convocatorias de oposicións de escolas náutico-pesqueiras, cociña, coidadores e subalternos (CP 24/06/25)

O martes 24 de xuño tivo lugar unha xuntanza da Comisión de Persoal (CP) na que se aprobaron as convocatorias de seis procesos selectivos, todos eles co voto en contra de CIG e CSIF, e a abstención de CCOO e UGT. Como cuestión previa, a CIG solicitou a suspensión da Orde do día, pois estas convocatorias non foron negociadas, xa que a única vez nas que puidemos ver os textos...