A CIG-Autonómica convoca a todo o persoal da Xunta de Galiza a Concentración de Delegados da C.I.G. que terá lugar mañá xoves, día 2 de abril, ás 11:30h diante da Consellaría de Presidencia, Edf. Administrativo San Caetano, para esixir que se cumpran, por parte da Administración, os acordos e compromisos acadados coas OO. SS., como son a publicación dos tribunais dos Grupos A1, A2 e C1 e a promoción interna, así como o Concurso de traslados.
Dende a CIG-Autonómica reiteramos a invitación as demais Centrais Sindicais a que se unan a esta concentración, invitación que lle fixemos chegar no día de onte por escrito e non tivemos resposta.
Un Goberno en funcións non pode tomar decisións que comprometan o Goberno entrante, pero non pode deixar de gobernar, e ten que cumprir coas negociacións mantidas e acadadas, máxime cando son só cuestións técnicas.
Estamos a falar de acordos tomados polo goberno cando non estaba en funcións, acordos que cumpriron todos os trámites, e so pendentes de publicación no DOG (bases de promoción interna de corpos xerais, nomeamentos de tribunais..).
POR A PUBLICACIÓN DA PROMOCIÓN INTERNA E DOS TRIBUNAIS PARA AS OPOSICIÓNS NA XUNTA DE GALIZA, CONCENTRACIÓN O XOVES, DÍA 2 DE ABRIL, ÁS 11:30 H, NO EDIFICIO DE PRESIDENCIA EN SAN CAETANO.
“OS ACORDOS SON PARA CUMPRIRSE”
