Nesta MSF a DXEP trasládanos o seguinte calendario de resolucións de adxudicacións de postos dos concursos de traslados e dos actos de elección de destino:

F0225 – Arqueoloxía; técnica de restauración; técnica de delineantes; de facultativas de arquivos, bibliotecas e museos; de axudantes de arquivos, bibliotecas e museos; técnica de arquivos, bibliotecas e museos, e auxiliar de arquivos, bibliotecas e museos: publican no DOG este venres 19 de xuño (toma de posesión en setembro).

F0325 - Corpo facultativo superior de Administración especial da Administración xeral da Comunidade Autónoma de Galiza, escala de veterinarias: publicarán o baremo provisional en xullo.

F0425 - Laboratorio, mantemento, limpieza, cociña, recursos naturais e forestais: publicarán entre o 22 e o 26 de xuño o resultado da adxudicación de postos e toma de posesión. Poderían tentar resolver en xullo, senón quedaría para setembro (1ª quincena).

F0326 - Corpo facultativo de grao medio, escala técnica facultativa, especialidade de educador e educadora infantil; corpo de técnicos/as de carácter facultativo, escala de axentes técnicos/as facultativos/as, especialidade de educación infantil; corpo de auxiliares de carácter técnico, escala de auxiliar de coidadores/as: publicarán na 1ª quincena de xullo (toma de posesión o 1 de setembro). Tentarán que sexa nos primeiros días para que estea resolto a tempo e poder negociar as carteleiras antes da incorporación o 1 de setembro e antes do inicio das vacacións en agosto. Dende a CIG levamos varias mesas insistindo en que inclúan os procesos de oposición libre e, finalmente, confirman nesta mesa que si os incluirán.

F0426 - Corpo de auxiliares de carácter técnico, escala de xerocultor/a, e do corpo da Administración xeral da Comunidade Autónoma de Galicia, corpo auxiliar, escala de persoal de servizos xerais (PSX): publicarán o baremo provisional en xullo.

Contacta coas túas delegadas e delegados da CIG para aclarares calquera dúbida ou escríbenos!