Inicio
CIG-Autonomica
  • 20120501.Compostela.4.jpg
  • 20120511.gaias.18.jpg
  • 20120209.san_caetano.delegados.5.jpg
  • 20121114.vigo.3.jpg
  • 20120209.Vigo.3.jpg
Domingo, 01 Setembro 2019

A CIG leva ao parlamento a escaseza de persoal nos centros de maiores da Xunta

A CIG-Autonómica vimos de tramitar, no Parlamento de Galiza, unha solicitude aos grupos parlamentarios para que demanden a comparecencia urxente da conselleira de Política Social pola situación das Residencias de Maiores da Xunta de Galiza.

Alertamos da situación de deterioro xeral nas prestacións que están a recibir as persoas maiores usuarios de residencias da terceira idade e centros de día xestionadas directamente pola Xunta de Galiza, fundamentalmente polas condicións laborais dos ...


Luns, 26 Agosto 2019

En vigor a Lei de Administración dixital de Galiza

No DOG núm. 141 do venres 26 de xullo de 2019 publicouse a LEI 4/2019, do 17 de xullo, de administración dixital de Galicia (LEDIXGA).

Esta lei ten por obxecto regular o modelo de administración dixital no sector público autonómico, procedendo a desenvolver a normativa básica estatal en materia de administración electrónica, a implementar e a fomentar a adopción das medidas precisas para incorporar o potencial das tecnoloxías dixitais no deseño das políticas públicas, na modernización do ...


Mércores, 28 Agosto 2019

A CIG esixe á Xunta a cotización requirida para os coeficientes redutores no SPIF

Dende a CIG vimos de rexistrar escrito para que a Xunta de Galiza execute as recomendacións técnicas do grupo de expertos de apoio á comisión do Parlamento de Galiza sobre incendios forestais, que suporía o pago pola súa parte da cotización adicional regulamentada para que se apliquen os coeficientes redutores aos bombeiros forestais do SPIF.

Nos últimos anos adicamos moito esforzo á consecución do recoñecemento da categoría profesional 5932 Bombeiro forestal. Isto non foi casualidade, ...


Mércores, 28 Agosto 2019

A CIG esixe a Medio Rural que complete a formación específica para o persoal de incendios

A CIG-Autonómica solicitamos nun escrito dirixido á Consellería de Medio Rural que incorpore ao sistema formativo a cualificación profesional SEA 596_3 de grao superior xa que unha porcentaxe elevada do persoal superou o grao medio.

Con esta solicitude continuamos o traballo para a imprantación do nivel medio de formación que esta avalado polas recomendacións técnicas do "Grupo de expertos de apoio á comisión do Parlamento de Galiza sobre incendios forestais".

Así a CIG aposta pola ...


Venres, 23 Agosto 2019

A excelencia na mala fe negocial: o modus operandi con selo propio da Xunta de Galiza

A Xunta de Galiza ten obriga por lei de negociar cos sindicatos as condicións laborais do persoal empregado público, e sen sentar coa representación legal dos e das traballadores e traballadoras non pode aprobar cuestións que repercutan nesas condicións. Agora ben, parella a esta obriga, a Xunta pode adoptar unha boa fe negocial, ou pode facer que fai unha negociación, fixando xuntanzas para poder afirmar simplemente que as houbo.Si, efectivamente... Trátase desa segunda opción: as ...


Luns, 19 Agosto 2019

Deixen de empregar os servizos públicos "para chantaxes políticas"

Esiximos que se garanta o pago de soldos e carreira profesional a todo o persoal da Xunta

Ante as declaracións do conselleiro de Facenda nas que alertaba de supostas dificultades para afrontar o pago dos salarios persoal da administración xeral da Xunta derivadas da débeda estatal con Galiza, dende o sector de Autonómica da CIG-Administración instámolo a non empregar os servizos públicos nin ao seu persoal “para chantaxes políticas”, ao tempo que esiximos que se garanta o pago de todos ...


Mércores, 14 Agosto 2019

A CIG denuncia o empeoramento do material e vehículos do servicio de incendios e pide dimisións

A CIG vén de rexistrar escrito perante a Secretaría Xeral Técnica de Medio Rural esixindo documentación da contrata con TRAGSA referente aos materiais e vehículos das novas brigadas do Servizo de Prevención contra Incendios Forestais (SPIF).

Logo da recente incorporación do persoal de brigadas no SPIF, de nova contratación, coñecemos algúns datos unha vez os tivemos diante dos nosos ollos, diante da total opacidade e descontrol en todos os eidos que nos brindou a Consellería do Medio Rural ...


Luns, 12 Agosto 2019

A Xunta resposta á presión é abre unha mesa de negociación para o persoal técnicos dos distritos

A Xunta resposta á presión e abre unha mesa de negociación de traballo do persoal técnico dos distritros forestais sen Función Pública. A Consellería de Medio Rural convocou cos representantes sindicais o venres 9 de agosto de 2019 á Mesa de negociación demandada dende maio de 2018 e logo de varias mobilizacións do persoal.

As organizacións sindicais levamos á mesa as demandas dos enxeñeiros técnicos forestais e enxeñeiros de montes, que traballan na coordinación e xestión forestas e das ...


Xoves, 08 Agosto 2019

A Dirección Xeral de Patrimonio Cultural, campeona mundial da externalización

Segue e segue coas encomendas de xestión a Tragsatec do traballo técnico de arqueoloxía

Está claro que na Consellería de Cultura non queren ao persoal funcionario, non valoran o traballo dos técnicos e incluso non cumplen as leis de patrimonio nin de protección de datos. Xa é a terceira vez que asinan unha encomenda de xestión coa empresa Tragsatec, e a terceira vez que a CIG o denuncia.

O pasado luns día 15 publicaban no DOG a nova encomenda para o segundo semestre do ano, por valor de ...


Mércores, 07 Agosto 2019

A CIG denuncia a falta de medios humanos no operativo de alto risco de incendios forestais da Xunta

O plan de Prevención e Defensa contra os Incendios Forestais de Galiza (PLADIGA 2019), foi aprobado polo consello da xunta do 2 de maio, e o Presidente Feijoo fixo público o documento cos datos dos medios humanos dispoñibeis para a campaña de alto risco de incendios forestais que comenzou o pasado 1 de xullo.

Nese documento detállase unha cifra que chega aos 7.000 efectivos para a loita contra o lume, homes e mulleres que pertencen a medios propios da Xunta de Galiza, concellos, ...


Coa colaboración de CCOO e UGT, Función Pública meteuse en cincuenta mil fregados, e os concursos de traslados non lle son unha prioridade. O problema para reclamalo xudicialmente é que ainda que a lei fala de concurso anual, esto é como o dereito á vivenda ou ao traballo que establecen a Constitución: non deixa de ser unha declaración de intencións, pois non hai maneira de reclamalo xudicialmente.

Respecto do concurso de corpos xerais, a Dirección Xeral de Función Pública enviounos un borrador coa súa proposta de convocatoria do concurso de traslados de corpos xerais, con prazo ata o día 5 de abril para que enviemos alegacións. O normal sería que a continuación tivesemos algunha xuntanza para sentarnos a discutilo, pero tal e como está a actuar ultimamente o director xeral, xa non sabemos se teremos algunha xuntanza para negociar ou se se limitará sentarse con algúns sindicatos amigos no seu despacho.

A cousa leva "algo" de retraso, non? Fora alá por xuño do 2017 (en nada fará dous anos), cando Función Pública remitira aos sindicatos unha proposta de "baremos xerais" aplicable a todos os concursos. Daquelas o obxectivo era: simplificar os trámites, reducir os tempos de resolución, automatizar, etc. Tivemos unha chea de borradores, xuntanzas, alegacións, ata que por xuño do 2018 a cousa ficou ata hoxe.

Dos diferentes méritos desa proposta de baremo xeral, destacaban dous aspectos nas discusións:

  1. Na súa proposta, a Administración facía desaparecer a valoración das titulacións superiores ás requeridas para acceso ao grupo do empregado público. A xustificación do DXFP, que a CIG non comparte, é que hai máis de 2.000 titulacións diferentes, que enlean a celeridade do concurso.
  2. A valoración da formacion evolucionou, para ben e para mal:
    • Van valorar todos os cursos, non só unha selección deles como era ata agora.
    • A puntuación vai ser individualizada para cada número de horas, non por tramos como ata agora.
    • Partiamos dunha proposta de FP de que os cursos caducaban aos dous anos. Ao longo da negociación pasamos a cinco, despois a oito, e posteriormente a 10. A CIG defende que non caduquen, e o máximo que ofreceu o DXFP foi fixar unha situación transitoria, que se concreta nestas bases en que os cursos anteriores ao 1/1/2020 non caducarán, pero os posteriores xa non puntuarán a partir dos dez anos.
    • A relación de entidades válidas para a formación quedou reducida respecto da última palabra do DXFP, quen falaba de considerar os cursos do ISSGA, Instituto da Muller, etc. Quedarían fora tamén segundo este borrador, os cursos das escolas oficiais de idiomas.

Ainda pendente de estudar a proposta polo miudo, outro aspecto destas bases que non son do agrado da CIG é que rexeitamos os méritos específicos, que non deixan de ser unha barreira que dificulta a mobilidade do persoal. Para a CIG, a empresa debe formar ao persoal, e a puntuación por experiencia debe ser igualable por formación. 

Se queres aportar algo, podes contactar coa CIG.