Novas por contido

Búscase persoal funcionario do subgrupo A1 para o posto de Subdirector de Coordinación Orzamentaria e Contratación. Valorárase experiencia en orzamentos, contratación e fondos europeos. Requírese boa presencia.

Conscientes da dificultade para atopar entre o persoal funcionario da Xunta de Galiza unha persoa con iste perfil, desde aquí brindamos a nosa plataforma para botarlle unha man ao secretario xeral técnico de Medio Rural.

Esta retranca vén motivada porque fumos chamados a unha reunión con Medio Rural sen dicirnos a qué nos convocaban e sen achegarnos a documentación pertinente. Cando chegamos alí nos din que é para facer unha modificación exprés da RPT: abrir un posto de subdirector/a á administración local. O máis gracioso foi a motivación: non atopan unha persoa válida do subgrupo A1 na Xunta de Galiza.

O que se lle olvidou comentarnos é que esa persoa tiña que ser de confianza. E claro, con tanta desconfianza queda polo camiño a carreira profesional de decenas de compañeiros e compañeiras en postos base ou a diposción da persoa titular da consellaría. Iso por non falar do gasto que conleva andar traendo persoal doutra administración cando hai excelentes profesionais dentro da casa.

Como non podía ser doutro xeito, a CIG mostrouse en contra desta proposta.

Outras novas recentes

Luns, 14 Abril 2025

Concurso traslados arqueoloxia, restauracion, delineantes, arquivos, bibliotecas, museos, nautico-pesqueiras, extensión pesqueira (CP 16/...

A directora xeral de Emprego Público e Administración de Persoal convocounos a unha xuntanza da Comisión de Persoal que será o mércores 16 de abril, na que se aprobarán as bases dos seguintes concursos de traslados: 1. Arqueoloxía, restauración, delineantes, arquivos, bibliotecas, museos. Descargar bases e prazas. 2. Profesores/as numerarios/as e mestres de taller de...
Luns, 21 Abril 2025

Comité de Seguridade e Saúde Laboral de Medio Rural (11/04/2025)

O día 11 de abril do 2025 reuniuse de xeito ordinario o Comité de Seguridade e Saúde Laboral da Consellería de Medio Rural. A CIG solicitou que se convocara o CSSL por incumprimento da Lei de riscos laborais. A presidenta comprometeuse a facelos de xeito trimestral e emprazou o próximo comité para a terceira semana de xuño. Temas tratados: 1. Prego de prescricións técnicas...
Luns, 14 Abril 2025

Concurso de traslados de consumo

A Dirección Xeral de Emprego Público e Administración de Persoal remitiunos a información de que o mércores 16 de abril publicarán no Diario Oficial de Galiza as seguintes resolucións para o concurso ordinario de traslados das escalas de inspección e de axentes de inspección de consumo: Relación definitiva de persoas admitidas e excluídas Puntuacións provisionais das...