O pasado xoves 15/03/2012 tivo lugar unha segunda xuntanza entre as organizacións sindicais e representantes do FOGGA (Consellería de Medio Rural e do Mar) para tratar a RPT deste organismo.
Desde a CIG achegáronse as seguintes consideracións:
1.- Agradecemos que nesta ocasión desde a Administración se contestasen todas as alegacións presentadas, o que debera ser un exemplo para outras consellerías.
2.- Aclaramos o punto 3 da súa contestación, aínda que o resultado foi bo e parece que entenderon o fondo da apertura a outras administracións, din que o FOGGA ten aberto o 3,64%. A Administración interpreta a nosa alegación como que “Non aceptan a apertura dos postos a persoal doutras Administración Públicas aínda que entenden xustificada a súa apertura en casos concretos”, cando desde a CIG se manifestara na anterior reunión “que só aceptamos a apertura a outras administracións se é con convenio recíproco, en postos base e sen pasar do 5% do total da Xunta”.
3.- Entendemos que en formación o código 020 coñecementos informática nivel usuario (mérito) quedou anticuado. As prazas que tiñan o código 640 para persoal doutra administración, curso de perfeccionamento de galego (R.I.), que as revisen, xa que pasaron moitas a ser AXG e seguen tendo o código e xa non sería necesario. Os códigos 676, 677, 869, 979 e 980, son experiencia no traballo que se fai algunha dela de dous anos, nos queremos que se quite e que se utilice a EGAP para formar o persoal, tamén dicimos que o preferimos como mérito e non como requisito imprescindible.
4.- No caso da xefatura de sección de habilitación, que ten como forma de provisión a LD, demandamos que sexa por concurso.
5.- Pedimos que o remanente de 15.918,06 € quede no capitulo I da consellería para futuros gastos de persoal, como pode ser igualar a alza os niveis das seccións ou para algún plus e non se teña que nun futuro amortizar máis prazas.
6.- Sinalamos que unha praza de Titulado/a Grao Medio consta na relación de prazas de Resolución da Consellería de Facenda do 2 de Xullo de 2011, DOG núm. 4 na páxina 424 co código MRC 99100003201150.
Descargar a contestación da Admón. ás alegacións da CIG
