Novas por contido

Na xuntanza mantida con relación a este tema, a CIG expuxo as seguintes alegacións:

  • Con esta modificación amortízase tres postos para crear dous e se destrúe emprego neto. Na memoria funcional xustifícano argumentando que son vacantes puras, que os intentaron cubrir en comisión de servizos ou por persoal interino, e non lle foi posible. Preguntamos se tamén o intentaron ofertando as prazas nos sucesivos concursos e actos de elección destino de novo ingreso.

  • Solicitamos as sentenzas. Incluso na memoria funcional poñen que envían unha copia compulsada, que non nos chegou. Preguntamos en que senso van estas sentenzas, dado que desde a Xunta de Persoal de SSCC, solicitamos a todas as consellerías que, se tiñan persoal alleo facendo traballos que corresponden a persoal da Xunta de Galicia, e o secretario xeral desta consellería contestou “que o descoñecía".

  • Non aceptamos a apertura de postos a outras administracións mentres non haxa acordo de reciprocidade, máis cando son postos de nivel, e da impresión que por ser LDs ten que ser obrigatorio abrilos a outras administracións.
  • Aínda que a lei indique que as xefaturas de servizo serán LDs, evidentemente criticamos esta imposición e pedimos que sexan por concurso.

  • Tamén criticamos a “titulitis” que padece este organismo, moitos postos con varias titulacións académicas. En algúns postos piden 2003 (enxeñería agrónoma) 2037 (licenciado en veterinaria) e 3003 (enxeñería técnica agrícola). Vemos coherente para a mesma praza de corpos especiais os códigos 2003 e 3003 pero non o 2037. Se vale calquera titulación, porque non a abren a Xeral/Especial?.

  • Formación específica. Isto xa nos parece unha broma de mal gusto. Máis da metade dos postos con varios requisitos de experiencia en .... ou coñecementos de... Poñemos como exemplo a praza da xefatura de sección que crean; piden 263 (Experiencia en tramitación de recursos/reclamacións), 670 (coñecementos lexislación agropecuaria) 671 (experiencia en informes/proposta resolución) 840 (experiencia en xestión e control de fondos comunitarios (R.I.)) 844 (curso sobre fondos comunitarios) 689 (experiencia na lexislación PAC) 932 (Experiencia en xestión e/ou control de fondos comunitarios). Alegamos que estas experiencias só as ten o que traballe neste posto. É unha praza moi perfilada e pedimos que eliminen a experiencia neste posto, así como en todos os demais, e que utilicen a EGAP para formar o seu persoal.

  • Para a xefatura da sección que crean, a forma de provisión é por LD. Opoñémonos a esta forma de provisión. Os motivos que nos alegan para iso non son argumentos de peso, tanto a confidencialidade como a dependencia do posto, téñeno todos os demais postos similares dese organismo. Alegamos que os postos que pechan nesta modificación de RPT á titulación académica 2003/3003 non ten xustificación.

  • O posto de xefe de área do Servizo de Intervención de Mercado esixe titulación académica 2037, é dicir, veterinaria. Consideramos que tampouco está xustificado.

  • O posto 134, Titulado/a grao medio, do servizo territorial de Ourense, figura no apartado “observacións” coa coletilla de posto sometido á consolidación. Porén, segundo o DOG do 7 de xaneiro de 2011 publicouse resolución de postos de traballo ao proceso de consolidación, tanto de 1ª coma da 2º parte; nesta relación de postos non consta citada, polo que solicitamos explicacións por iso.


A persoa representante da Administración comentou o seguinte:

  • Empezan a votar balóns fóra dicindo que é unha modificación parcial, que é un organismo distinto ao das demáis consellerías polo feito de repartir fondos comunitarios. A xustificación para eles da amortización dos postos é que utilizaron todos os medios o seu alcance para cubrilas e que non lles foi posible, as tomas de posesión de novo é problema de Función Pública.

  • Facilitarannos as sentenzas, van a preguntar pola confidencialidade, se teñen que borrar datos persoais, pero adiantan que en todas elas foi condenada a Administración por cesión ilegal de traballadores; de todos xeitos neste intre di que se reduciron os traballadores que teñen en competencia de xestión (asistencias técnicas).

  • Aseguran que cumpren a normativa vixente respecto as LDs dos servizos, e reitéranse na sección por LD polos motivos que xustificaron decindo que xa é suficiente non abrila a outras administracións, quedando pechado a persoal da Xunta.

  • Estudarán as nosas alegacións e posiblemente abran o abano das titulacións ás prazas que estimen oportunas, así como quitarán algunha da formacións específica tal como experiencia.

  • Estudarán todas as demais alegacións, como a do posto de laboral en Ourense

Outras novas recentes

Mércores, 28 Mai 2025

As Consellarías de Medio Rural e Política Social e Igualdade denegan o permiso parental

O permiso parental de oito semanas, até que a/o menor cumpra oito anos, está regulado, agás polo de agora a súa retribución, e está incluído na carta de permisos do PortaxNo Portal do empregado/a público da Administración da Xunta (PORTAX) aparece este permiso e está activo no apartado de solicitudes. Aínda que o Pórtax omite a información da normativa básica, pódese...
Venres, 23 Mai 2025

Grito de alerta da CIG: as persoas maiores de Taboadela sofren coa “ Política de Recortes” da Xunta de Galiza nas residencias públicas

A neglixencia do Consorcio Galego de Servizos de Igualdade e Benestar co apoio da Xunta de Galiza deixa aos maiores do Fogar Residencial de Taboadela nunha situación límite por falta de persoal, queremos lembrar que soamente hai unha persoa na quenda de noites. O CAPM de Taboadela, de xestión Pública onde a falta de persoal na quenda de noite está a provocar unha grave...
Venres, 30 Mai 2025

Máis atrancos para a xubilación anticipada con coeficientes redutores

Publicado o Real Decreto 402/2025 que regula o procedemento previo para determinar os supostos para xubilación anticipada mediante coeficientes redutores.  Confírmase o recorte nas pensións ao non recoñecerse a xubilación anticipada nin garantirse os coeficientes nos traballos máis penosos. O novo Real Decreto recolle os criterios para que os traballadores de actividades...