A CIG presentou un escrito de alegacións no que rexeita a retirada das prazas do concurso de traslados e solicita unha explicación por escrito da dita decisión.

Esiximos, que en vez de modificar a orde de convocatoria, o proceso se retrotraiga ao seu incio, é decir, se publique unha nova orde de convocatoria do concurso de traslados do grupo V. De non ser aceptada a nova convocatoria, que se amplie o prazo para que as persoas afectadas por esta modificación no número de prazas poidan exercer as accións pertinentes.

Cómpre facer fincapé en que a decisión de retirar as prazas da consolidación do concurso de traslados é unha decisión da Administración e agora lexislativa pero non foi a Xustiza a que tumbou a consolidación nin ordenou retirar as prazas, habendo mesmo sentenzas do TS no sentido que defende a CIG.

Por outra banda, os procesos do concurso de traslados e a oposición ían rematar simultaneamente garantindo o dereito do persoal laboral fixo a concursar e o do persoal que aprobe a consolidación a elección dunha praza nun proceso de elección de destino.

Comisión de valoración

Na última xuntanza da Comisión de valoración revisáronse sobre 150 alegacións dun total de 670. Agardase que antes de rematar o mes estea lista a revisión das alegacións. Porén, despois aínda hai que gravar as modificacións e quedaría a elaboración da resolución e a súa publicación que depende exclusivamente de Función Pública.