Novas por contido

Denunciamos o progresivo desmantelamento do operativo de extinción de incendios, e exiximos o cese inmediato do Secretario Xeral de Medio Rural e Montes, Tomás Fernández Couto.

Concentración solidariedade co brigadista do SPDCIF falecido na extinción dun lume en Castrolo do Val

En primeiro lugar é desexo da CIG manifestar o noso pesar polo falecemento do traballador Higinio Vivas López, cando estaba en labores de extinción dun incendio forestal na parroquia de Piornelo, concello de Castrelo do Val, e mostrarlle as nosas condolencias aos familiares, amigos e compañeiros do falecido.

A CIG ven a denunciar públicamente o desmantelamento do operativo de extinción de incendios forestais da Xunta de Galiza. Ésta destrucción do citado servizo é como consecuencia da falta de persoal nas diferentes cuadrillas forestais así como por motobombas inoperativas pola falta de mantemento.


Nos diferentes distritos forestais en que está dividido a comunidade atopámonos con cuadrillas con dúas e tres prazas vacantes no que vai en perxuizo tanto da operatividade da cuadrilla como tal, así como do propio servizo de emerxencia. Dáse a circunstancia de que no incendio no concello de Castrelo do Val, onde faleceu o traballador, atópanse cuadrillas do Servizo público de extinción de incendios integradas por dous ou tres traballadores. O persoal do SPDCIF está soportando xornadas de máis de 10 horas, dándose a orde incluso de non retirar ao persoal para que descanse. Por outra banda están as motobombas inoperativas por falta da correspondente inspección obrigatoria así como outras nos talleres pendentes da súa retirada unha vez que a Conselleria do Medio Rural e do Mar faga efectivo o pago polo arranxo.

Asimesmo a CIG ven a solicitar o cese inmediato do Secretario Xeral de Medio Rural e Montes, Tomás Fernández Couto por manifestacións como as que fixo o pasado día 20 de marzo onde tivo o valor de decir que non ían aumentar os medios independemente de que vaian queimadas máis de 5.300 hectáreas. Preguntámonos entón, e logo para cando máis medios?

alt

Outras novas recentes

Luns, 31 Marzo 2025

Modificación RPT Política Social e Consorcio. Comisión de Persoal (27/03/25)

O pasado xoves, 27 de marzo fomos convocados para a Comisión de Persoal onde se tratou a modificación da RPT de Política Social e a do consorcio. Dende a CIG votamos en contra, así como tamén o fixeron o resto de organizacións sindicais con excepción de CSIF que se abstivo, fundamentalmente debido a : Non se tiveron en conta as nosas alegacións presentadas. Créase un posto...
Martes, 25 Marzo 2025

O despropósito do Plan de axilización da dependencia + discapacidade

O pasado 3 de marzo a Xunta de Galiza, nunha comparecencia pública do Presidente Rueda, anuncia o Plan de axilización e simplificación dos trámites da dependencia e discapacidade. Este plan, implementado dende xaneiro, basease segundfo refiren en: Na “redución ao máximo dos trámites” ao introducir un novo modelo de solicitude conxunta. Na creación de xefaturas de servizo de...
Xoves, 27 Marzo 2025

Estase a restrinxir o teletraballo ás bravas?

A prestación de servizos na modalidade de teletraballo na Administración da Comunidade Autónoma de Galiza funcionaba ata o de agora con relativa normalidade agás a xa endémica opacidade da Xunta e a reiteración do incumprimento da convocatoria das Comisións de Seguimento para que as organizacións sindicais poidamos exercer un control.   Mais nos últimos días están a chegar...