Novas por contido

O venres, 14 de decembro, rematou a campaña de recollida de alimentos para a cociña económica e o albergue de San Francisco de Compostela. A dita campaña foi promovida e levada a cabo por un grupo de traballadores e traballadoras da Axencia Galega de Infraestruturas, limitándose as distintas organizacións sindicais a facerse eco da medida e colaborar na recollida.

Segundo nos comentan desde a organización, a campaña foi todo un éxito e esperan repetir en marzo. Resulta destacable, por exemplo, a medida levada a cabo polas traballadoras e traballadores de Sanidade que recolleron até 267€ nunha soa hora e despois fixeron unha megacompra de produtos básicos. Un dos tantos exemplos desta campaña de todo o que se pode facer con boa vontade e un chisco de cooperación.

Estas medidas non tratan de substituír o labor social que deben levar a cabo as distintas Administracións cuxa función debe ser redistribuír a riqueza. En calquera caso, é un reflexo dos efectos dos recortes nas persoas máis débiles, unhas persoas que de tan só modificarse a normativa actual en temas de alimentación quedarían asistidas cos excedentes da cadea de produción e distribución que moitas veces acaban no lixo como denunciou o programa Salvados o 9 de decembro.

A solidariedade e a cooperación deben existir sempre, máis en certas situacións críticas, pois cando aos datos de pobreza (esas 12 millóns de persoas do estado español que se atopan en risco de exclusión social), son persoas coñecidas que quedaron sen traballo ou simplemente se lles pon cara visitando as instalacións que xestionan esta axudas, a actitude cambia. En todo caso, estas institucións benéficas non poden nin deben substituír a labor do estado de benestar.


Rescates para as persoas e non para a banca!


Por certo, xa que nos cadraba de camiño, uns compañeiros da CIG pasaron co primeiro dos dous carros de alimentos polo despacho da directora da Asesoría Xurídica da Xunta a pedirlle a colaboración, xa que hai ben pouco tocoulle un carro similar no Hipercor de Marineda City por valor de 300 €, pero non estaba e non puido colaborar, mágoa! A ver se para a seguinte...

Outras novas recentes

Luns, 24 Xuño 2024

A CIG recorre en reposición as listaxes de postos dos concursos de traslados de corpos xerais e especiais

Dende a CIG presentamos sendos recursos de reposición diante da publicación das convocatorias de concursos de traslados dos corpos xerais e corpos especiais publicados neste primeiro semestre do presente ano. Nas dúas convocatorias non se publican todas as prazas vacantes existentes, por exemplo, no caso dos corpos xerais son darredor de 180 prazas as vacantes que non saen...
Xoves, 27 Xuño 2024

Mirar para outro lado non é o xeito de resolver o problema do persoal coidador

Dinos CCOO nunha nota que o día 20 de xuño falaron con Educación e pedíronlle “Resolver a problemática do persoal coidador (categoría III-99)”. Isto está moi ben se non fora pola hipocrisía notoria de CCOO e UGT que, despois de contarnos isto e tan só un día despois, o 21 de xuño na Comisión de Persoal ABSTÉÑENSE na votación onde a Xunta encadra a categoría III-99 no...
Martes, 02 Xullo 2024

Prazas para chamamentos de Medio Rural (02/07/2024)

O servizo de persoal de Medio Rural vén de achegarnos a relación de prazas que foron anunciadas en "Moura" para a súa cobertura a través das listas de contratación. Trátase de prazas de 6 e 12 meses correspondentes ao Servizo de Prevención de Incendios Forestais (SPIF)