Novas por contido

A Xunta de Persoal dos servizos periféricos da Xunta de Galiza na provincia de Pontevedra denuncia o risco para a vida que a consellaría de Medio Rural e do Mar está a causar ao persoal do servizo de gardacostas. A denuncia pública compleméntase con escritos dirixidos á Inspección de Traballo e á Capitanía Marítima.

A Xunta de Galiza demostra unha importante despreocupación polo servizo de vixiancia pesqueira (incluíndo o control do tamaño do peixe e de vixiancia do furtivismo), ao tempo que está a poñer en perigo a vida dos seus traballadores e traballadoras.

O servizo de vixilancia pesqueira da subdirección xeral de Gardacostas, consellería de Medio Rural e do Mar, ordena embargar ao persoal vixiante en botes de rescate mentres mantén amarradas e sen control as lanchas no porto de Vilagarcía.



Con este proceder, os responsabeis políticos do control da pesca e marisqueo amosan unha grave falta de interese pola efectividade das súas obrigas. Pero ao tempo están a poñer en perigo a vida do persoal do servizo xa que un bote de rescate (unha zodiac) está pensada para pequenos desprazamentos e para situacións de emerxencia, non para oito horas de traballo separados a máis de 10 millas do buque nodriza, contratado coa empresa Remolcanosa.

Descoñecemos os manexes que poidan existir, porque o que a empresa Remolcanosa ofrece en realidade a cambio do diñeiro é un buque nodriza adaptado para a loita contra a contaminación que permanece tamén amarrado ao peirao, exercendo os seus botes de rescate o servizo de inspección e vixilancia pesqueira, tendo nas bases embarcacións habilitadas para facer dito servizo.

O órgano de representación dos funcionarios e funcionarias da Xunta de Galiza na provincia de Pontevedra, quere incidir tamén nunha nova privatización e a falsa austeridade de quen mentres mantén as lanchas propias amarradas ao peirao, contrata servizos cunha empresa privada, pon en risco a vida dos seus traballadores, e desatende as súas obrigas de vixiancia pesqueira.

Outras novas recentes

Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...
Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...