A CIG convoca asambleas por Galiza para tratar as cuestións que nos afectan ao persoal do servizo de incendios forestais (SPIF). Compre mellorar as condicións laborais e deter a suspensións dos contratos do persoal fixo-descontinuo ampliando o tempo de traballo a 12 meses xa no 2026. Conformarnos nun servizo público esencial nas multiemerxencias do medio natural e rural ademais de traballar na extinción e na prevención e poderiamos axudar na restauración e na contención do desastre ecolóxico e de saúde pública que se está a dar nas comarcas devastadas polos lumes deste verán. Noutras comunidades autónomas os seus gobernos xa melloraron as condicións laborais do seu persoal, pero a Consellería de Medio Rural ignora as necesidades do servizo de incendios e o abandona.

Non nos queda outra que loitar, polo que temos que preparar accións de cara á mellora das condicións laborais, os salarios e a seguridade no noso traballo. É por isto que xa nos manifestamos o 30 de outubro en Compostela e o 6 de novembro en Ourense. Pero agora tamén é necesario que entre todas e todos aclaremos as prioridades e as accións a desenvolver para conseguir avanzar en dereitos laborais, e por isto que contamos contigo nas vindeiras Asambleas.