O xoves 25 de abril tivo lugar un Pleno no Concello de Sada no cal se debateu unha moción en defensa de que o Complexo Xuvenil "As Mariñas" estivera aberto todo o ano e en contra da destrucción de 11 postos de traballo que vai facer a Xunta de Feijoó.
A este Pleno asistiron membros do Comité de Traballo e Benestar da Coruña xunto con traballadores e traballadoras dos Albergues que, ao remate da moción presentada, levantáronse e desplegamos unha pancarta con este texto:
"ALBERGUES PUBLICOS, ABERTOS TODO O ANO
NON A DESTRUCCIÓN DE POSTOS DE TRABALLO POLA XUNTA DE FEIJOÓ
COMITÉ DE TRABALLO E BENESTAR DE A CORUÑA".
Desde o Comité de Traballo e Benestar de A Coruña destacan o desprezo amosado polo Goberno Municipal de Sada que votou en contra de que a moción presentada polo BNG fora declarada de urxencia, polo cal non puido debaterse. E hai que dicir que non puido debaterse porque o PP e o PSDS de Sada non quixeron debater un tema no cal non teñen argumentos xa que están defendendo pura e simplemente o que quer a Xunta de Feijoó que é aforrar diñeiro público a costa dos Servizos Públicos.
