Novas por contido

Cantas veces non temos escoitado o mantra de "sobran funcionarios" e sobre o abultado do capítulo I. Porén, a Xunta nin se corta en contratar asistencias téncnicas, nin en facer encomendas e moito menos en traer xente (vía LD ou comisión de servizos) doutras Adminsitracións.

Na recente modificación global da RPT de Educación, a consellaría abriu o posto de subdirector/a de Equipamento e Obras á Administración Local. Daquela a CIG criticou duramente este tema e denunciou que se trataba dunha modificación "ad personam". Defendemos que na Xunta de Galiza hai persoal profesional dabondo para ocupar postos de nivel. Ademáis, traer xente de fóra implica unha nómina adicional na Xunta e se estamos coa austeridade, debemos estalo tamén para todo. No DOG do 4 de xullo sae publicada a resolución desta libre designación e si, efectivamente, a resolución é para unha persoa funcionaria dun concello.

A pesar de estar aberta a Administración Local, este posto podería ser ocupado tamén por persoal da Xunta, pero non, parece ser que non atoparon ninguén suficientemente apto na Xunta de Galiza. Recordamos que a xustificación para abrir o posto xa foi significativa de que nel só entraría persoal dos concellos.  A memoría funcional explicaba que nun futuro se modificará a lei de administración local e as competencias de contratación nos centros as podería asumir a Xunta e por tanto sería bo poder contar con alguén que coñeza a realidade da contratación na Administración local. Seguro que na Xunta, por se se producise a dita eventualidade, hai profesionais de sobra que controlan tanto de contratación pública como de Administración Local.

Un caso máis, onde se demostra que prima a confianza sobre o aforro. E claro, con tanta desconfianza queda polo camiño a carreira profesional de decenas de compañeiros e compañeiras en postos base ou a diposición da persoa titular da consellaría. Iso por non falar do gasto que conleva andar traendo persoal doutra administración cando hai excelentes profesionais dentro da casa.

Outras novas recentes

Luns, 20 Outubro 2025

Promoción interna a corpos xerais. Modificación RPT Evo-Traballo social (para CP 21/10/25)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 21 de outubro, para a aprobación dos seguintes puntos: Promoción interna de corpos xerais Bases da convocatoria de promoción interna separada ao corpo superior-A1. Descargar Bases da convocatoria de promoción interna separada ao corpo de...
Venres, 17 Outubro 2025

A CIG presenta 40 propostas de cambios na xestión e máis de 700 achegas de cursos ao plan de formación 2026 da EGAP

Estas propostas forman parte da campaña da CIG «Por unha EGAP transparente e en galego». A recada foi posible grazas ás abondosas contribucións do persoal desta Administración, que demanda non só o incremento substancial da cantidade de cursos, que permita un acceso máis doado e xusto, senón tamén a total transparencia na selección do persoal formador, como garante dunha...
Luns, 20 Outubro 2025

30 de outubro: en pé por un Servizo de Incendios digno e público!

O persoal do Servizo de Incendios mobilízase o xoves 30 de outubro en Compostela por un servizo público, digno e con garantías laborais. A manifestación saíra ás 11 horas da Consellaría de Medio Rural en San Lázaro e rematará diante do edificio da Xunta en San Caetano. Dende a CIG-Autonómica denunciamos a situación de abandono, desigualdade e mala xestión que padece o...