Novas por contido

CIG, CCOO e UGT denuncian que a Xunta deriva as responsabilidades na investigación dos lumes forestais cara empresas e organismos alleos á Administración Pública.

A Administración galega parece ter esquecida esta obriga e apenas adica medios á investigación das causas dos lumes

Os tres sindicatos reclaman a posta en valor do traballo de investigación de incendios a través do persoal propio da Xunta e piden máis medios

Desde UGT, CCOO e CIG queremos reclamar e poñer en valor o traballo que fan as brigadas de investigación de incendios da Consellería do Medio Rural e do Mar, formadas por funcionarios pertencentes aos corpos de axentes facultativos medioambientais e axentes forestais. Os informes de investigación de causas nos incendios forestais son unha ferramenta imprescindible para a posterior detención dos culpables e para coñecer o motivo polo que se queima o noso monte e as razóns de tan alto grao de lumes que se producen en Galicia. O Goberno da Xunta ten esquecida esta obriga e apenas adica medios á investigación das causas dos lumes. Resulta positivo para o conxunto da cidadanía que se invista en investigación, pois deste xeito a mais de intentar neutralizar aos incendiarios dolosos, tamén se conseguiría evitar que se queime tanta superficie de patrimonio forestal galego.

As tres organizacións sindicais, xa desde a Plataforma en Defensa do Servizo Público de Prevención e Defensa Contra Incendios Forestais, condenamos as actuacións dos incendiarios pero nos parece unha burla do Goberno que todos os anos por estas datas saia dicindo que se van endurecer as penas, que se vai a facer máis persecución, que se lles van cobrar os gastos de extinción aos que poñen o lume... Todo iso nos parece ben, pero é evidente que non é algo que este Goberno queira facer de xeito decidido e usando todas as ferramentas, medios e persoal que ten ao seu alcance. Non é posible a detención de culpables sen unhas boas tarefas de investigación, entón, como se van a deter máis culpables se non se potencia o traballo de investigación?

Que fai a Xunta de Galicia neste tema?. Derivar as responsabilidades propias asumidas competencialmente cara organismos e empresas alleos á Administración galega. Sen embargo, non dota de recursos aos 550 axentes forestais e medioambientais con competencias, coñecementos e experiencia necesaria para realizar estas investigacións, tal e como veñen demostrando durante todos estes anos. Pola contra, para a Consellería esta labor permanece practicamente no esquecemento e non mostra ningún interese por desenvolvela.

UGT, CCOO e CIG reclamamos da Xunta de Galicia a posta en valor do traballo de Investigación de Incendios a través de persoal propio da Administración galega e a súa potenciación dotando dos medios adecuados para a investigación aos corpos de axentes medioambientais e forestais que son axentes da autoridade e policía xudicial. Esta é a única garantía xurídica que ten a cidadanía galega de que as investigacións cumpran coa legalidade.

Ligazón: Xornal Praza Pública

Outras novas recentes

Venres, 12 Setembro 2025

A DXEP non se compromete a estender a solución mais aló das 8 prazas do concurso de enxeñarías, arquitecturas e ciencias

Emprego Publico convocounos a unha reunión o venres 12/09/2025 para dar explicacións sobre a solución que lle quere dar ao bloqueo do concurso de enxeñarías, arquitecturas e ciencias:  • Das 292 persoas dos concursos de enxeñarías, arquitecturas e ciencias, tomarán posesión todas menos as 8 persoas que teñen adxudicados postos afectadas por medidas cautelares, que o farán...
Venres, 05 Setembro 2025

Asembleas polos concursos de traslados e as eleccións de destino (con cambios en Compostela e Ferrol)

Moitos dos concursos de traslados do persoal funcionario da Administración Autonómica actualmente convocados están parados ou gravemente afectados por medidas xudiciais. Dende a CIG convidámoste a asistir ás asembleas que convocamos para falarmos dos problemas e da situación de todos os concursos de traslados e das consecuencias das sentenzas e das medidas cautelares...
Venres, 12 Setembro 2025

A CIG demanda o establecemento dunha cláusula de garantía salarial para o persoal empregado público

Desde o ano 2010 o persoal empregado público perdeu máis dun 20% de poder adquisitivoA CIG rexistrou esta mañá unha Proposición non de Lei para que o Parlamento de Galiza inste á Xunta a dirixirse ao Goberno do Estado para que presente de inmediato unha proposta lexislativa que estableza unha cláusula de garantía salarial para o persoal empregado público, de xeito que os...