Novas por contido

Tal e como advertíamos a principios de agosto, a Administración aproba na Comisión de Persoal que dous postos de persoal funcionario de AMTEGA estén abertos a persoas afíns

A principios de agosto, dende a CIG denunciamos que a Administración da Xunta de Galiza pretendía crear varios postos de funcionarios que ían ser ocupados por persoal da empresa privada.

Na Comisión de Persoal do día 28 de outubro, a Administración levou a proposta que finalmente aprobaron: créanse cinco postos de persoal directivo funcionario na Axencia de Modernización Tecnolóxica de Galiza (AMTEGA), dos cales dous van poder ser ocupados por persoas da empresa privada. Trátase dos postos de Xerente e de Director da Área da Sociedade Dixital.

 

O director xeral de Función Pública expresa na Mesa que se nomearán funcionarios de carreira para estes postos. Pero si é así por qué manter abertos os postos a persoal de alta dirección?

Non vale que o director xeral se comprometa verbalmente. Si de verdade pretendera iso na RPT se recollería que estes postos son pechados a AXG, é dicir a persoal da Administración Xeral da Xunta de Galiza. No canto diso o que se fai é crear cinco postos de persoal directivo do subgrupo A1 (o de xerente e catro directores de Área) dos cales dous están abertos a persoal da empresa privada.

Pola experiencia destes anos sabemos que a palabra do Partido Popular vale cero, de aí que non sexa críbel un compromiso que non se materializa na Relación de Postos de Traballo da AMTEGA.

E como dicíamos en agosto, isto vai supoñer un sobrecuste ás arcas públicas ao cobrar este persoal 6.000 euros anuais máis que un subdirector xeral, un funcionario da súa categoría coas retribucións máximas.

En definitiva, se privatizan postos de funcionarios, apostan por importar persoas afíns fronte a apostar polas persoas funcionarias do subgrupo A1 da Xunta de Galiza, constitúe un insulto a estes compañeiros/as con sobrada e demostrada capacidade técnica para desenvolver estes postos, increméntase un gasto para realizar unhas funcións que poderían ser desempeñadas e de mellor xeito por persoal propio. Esta é a Administración do Partido Popular, privatizada e máis cara.

Dende a CIG sinalamos que esta é só a primeira pinga deste proceso e rexeitamos non só que se inunde a Administración de persoas da empresa privada, senón a mesma regulación da figura do persoal directivo e o proxecto de Lei de Emprego Público, dictada según os mandatos da FAES.

Outras novas recentes

Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...