Achéganos Función Pública un listado provisional de prazas para a adxudicación de destino definitivo ao persoal funcionario de diversas escalas da Administración especial da Xunta de Galiza que se atopan en destino provisional dende o seu nomeamento.
Este listado corresponde coas prazas que quedarán vacantes tras a resolución do concurso de traslados correspondente (en primeira fase e fase de resultas). Son as seguintes escalas:
- Enxeñeiros/as técnicos/as forestais.
- Enxeñeiros/as industriais.
- Arquitectos/as.
- Arquitectos/as técnicos/as.
- Enxeñeiros/as técnicos/as de obras públicas.
- Delineantes.
- Facultativa superior de arquivos, bibliotecas e museos, especialidade de arquivos.
- Facultativa superior de arquivos, bibliotecas e museos, especialidade de bibliotecas
- Axudantes facultativos de arquivos, bibliotecas e museos, especialidade de bibliotecas.
- Inspección urbanística
Se tes algunha observación, contacta connosco hoxe mesmo, mércores 4, no enderezo autonomica@cigadmon.gal.
