Esta é a primeira tanda de procesos selectivos que nos presenta Función Pública. Nas vindeiras semanas nos darán a segunda entrega de maneira que antes de rematar xuño queden aprobados todos os procesos selectivos que presentaron no seu cronograma o pasado mes.

A xuntanza sobre estes procesos tivo lugar o 29 de maio. Os criterios para agrupar as convocatorias en distintas ordes foron:

1. Pola OPE da que derivan, 2009, 2011 e 2012.
2. Polo subgrupo que se convoca.
3. Polo carácter ordinario ou extraordinario (consolidación) do proceso.

Destas convocatorias dedúcese o pouco interese que ten a Administración da Xunta de Galiza en motivar ao seu persoal. Esto non é máis ca outro chanzo na escada da desmotivación do/da empregado público/a para chegar ao obxectivo principal deste gobernó que é o desprestixio do emprego público para poder así convertilo en privado co beneplácito do pobo.

É curioso como poñen constantemente o exemplo de eficacia da xestión privada e non obstante non empregan os seus métodos ou acaso na privada non se teñen en conta os servizos prestados para promocionar aos empregados?

A promoción interna é un “paripé” as prazas non chegan en ningún caso á reserva do 50%, non existe nota de corte separada, non existe reducción de probas, a reducción de temarios é ínfima e non se teñen en conta os servizos prestados nin a formación. Ademáis non existe unha promoción cruzada a outros corpos/escalas nalgunha convocatorias  e mesmo non existe reciprocidade entre elas, de maneira que por exemplo o corpo de arquitectos subgrupo A1 pode promocionar á escala de inspección urbanística pero non ao revés!

O proceso de consolidación non é real pois non existe nada nas convocatorias que garanta unha fase real de concurso.

Esiximos que se cumpla o establecido no EBEP e que a titulación de grao sexa condición suficiente para presentarse ao subgrupo A1, independientemente das equivalencias que establezan certas Ordes Ministeriais entre o título de Grao e as antigas titulacións de licenciaturas e enseñerías para exercer a profesión, pois o EBEP é unha norma superior e trata expresamente o acceso á Función Pública.

Non queremos corpos/escalas con categoría de primeira ou de segunda. Tódalas probas e temarios dos corpos facultativos pertencentes ao mesmo subgrupo deben unificarse, e a parte común debe ser igual, para iso é común, e o temario e dificultade das probas debe ser proporcional segundo o subgrupo do que se trate.(A escala urbanística é desproporcionada respecto ás outras e o temario do subgrupo A2 de arquivos meirande ca outros do A1).

A CIG presentou unhas alegacións xerais aos procesos selectivos e algunas específicas a cada convocatoria. Aínda que o prazo de alegacións xa rematou este luns, vos convidamos a facernos chegar ás vosas suxestións pois ata que teña lugar a Mesa Xeral aínda teremos que dicir.