Novas por contido

O Valedor vén de comunicarlle á Xunta de Persoal dos Servizos Centrais que a Xunta de Galiza segue sen remitirlle o informe demandado de por que non contesta a meirande parte dos escritos que lle presenta este órgano de representación..

A Xunta de Persoal dos Servizos Centrais denunciou a principios de ano ante o Valedor o ninguneo ao que sometía a este órgano de representación os distintos departamentos da Xunta que nin sequera se molestaban en contestar a multitude de escritos que lles ten dirixidos. En febreiro, o Valedor comunicoulle que admitía a trámite a queixa.

A Xunta de persoal acumula perto de 70 escritos sen resposta remitidos a diferentes departamentos da Xunta de Galicia entre maio de 2011 e xuño de 2013. A estes hai que sumar outros 10 máis recentes que xa levan máis de 3 meses sen contestar. Neses escritos solicitábase información ou simplemente que se recibise a este órgano de representación para tratar de dar solución ás inquedanzas e problemas ás traballadoras e traballadores que representan. Pois ben, xa non é que as demandas non foran atendidas, senón que nin sequera foi atendido o órgano.

Chama a atención que a Xunta xa non é que "pase" dun órgano que representa a máis de 3.000 persoas, senón que pasa do propio Valedor, ao que, por outra parte, está obrigado a atender os seus requerimentos consonte ao artigo 22 da Lei do Valedor do Pobo. Pode que esta actitude de desidia sexa un reflexo da intención da Xunta de acabar con este órgano, que por outra banda, xa leva tempo exercendo a titularidade de xeito interino.

En calquera caso, se fai esto coa Xunta de Persoal e co propio Valedor en funcións, qué non fará a Xunta coa cidadanía a nivel individual, utilizando o silencio administrativo como rodelo. Esta é a consecuencia de utilizar a Administración de xeito absolutista de quen despreza o servizo público e de quen procura tamén coa súa actitude que a cidadanía chegue a desprezalo.

Outras novas recentes

Xoves, 19 Novembro 2026

O sector dos coidados e a atención ás persoas en loita!

As traballadoras do sector de coidados e atención denuncian a precariedade da súa situación laboral e dos servizos que se prestan desde a Consellería de Política Social e a Consellería de Educación. Centos de manifestantes marcharon en Santiago de Compostela o sábado 14 de novembro, reclamando a creación dun Servizo Público Galego de Atención ás Persoas que garanta servizos...
Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Mércores, 18 Novembro 2026

Promoción interna corpos xerais, destinos veterinarios/as, gardacostas, PSX, funcionarización en excedencia (CP 17/11/26)

Na Comisión de Persoal do 17 de novembro votáronse as convocatorias de procesos selectivos de promoción interna para o corpo superior A1, corpo de xestión A2, e corpo auxiliar C2 . O noso voto foi en contra das bases desas convocatorias xa que non estamos conformes coas restricións do número de prazas, de escalas nin de recualificación dos postos ou dalgún sistema que...