A CIG tivo onte coñecemento do desmantelamento dunha brigada de defensa contra incendios forestais na comarca de Valdeorras. 

En menos de tres meses o goberno do Partido Popular leva suprimido tres brigadas, primeiro a brigada de Tomiño do distrito XVII (O Condado Paradanta), logo a brigada de Castromao do distrito XII (Miño-Arnoia) e agora a Brigada C.E-10 do distrito XIII ( Valdeorras- Trives).

A Confederación Intersindical Galega (CIG)  manifesta o seu total desacordo ante o novo ataque a o SPDCIF(servicio de prevención  e defensa contra incendios forestais) coa novo desmantelamento da brigada C.E-10  do distrito XII, Valdeorras- Trives.

Desde a CIG valoramos isto como unha nova volta de torca co que Feijoo e o seu goberno pretende acabar co servizo público de prevención e extinción de incendios forestais.

O Partido Popular, con este desmantelamento irresponsábel vai deixar desamparados os nosos montes, máis se cabe, fronte a tempada de alto risco, aumentando as súas xornadas de traballo, os seus desprazamentos e, en definitiva, a seguridade dos traballadores do servizo,  ese servizo que leva defendendo o noso monte durante as 24 anos e que é o máis eficaz do estado español que o PP trata de desmantelar a marchas forzadas para fabricar unha rede clientelar a través dos Concellos e das empresas privadas cun único fin electoralista e caciquil.