Novas por contido

O luns 21 de xullo tivemos unha xuntanza con responsábeis de AMTEGA para falarmos das instrucións dadas pola axencia respecto do persoal que obtivo destino no último concurso de traslados e posterior eleición de destino definitivo dos tres corpos da escala informática.

A CIG solicitara unha xuntanza con Función Pública, pero foi AMTEGA quen nos citou. Precisamente este feito motivou a primeira intervención da CIG: entendemos que é Función Pública quen debe dispoñer que cada quen vaia ao seu posto, quedando AMTEGA a disposición do que indique Función Pública. Inda así, acudimos a xuntanza a escoitar e expoñerlle a nosa visión.

O problema xurde dunha instrución de AMTEGA na que indica que o persoal que obeña posto non cambie de área, o que vai unido á realidade de que hai xente que cambiou de localidade e permanece na mesma, cambiou de nivel e mantén as tarefas, cambiou de posto dentro dunha localidade (incluindo a postos que dan servizo a outras consellarías) e segue na mesma mesa.

Os responsábeis de AMTEGA non aceptan que actuaran mal. Parten dos principios de que como non teñen RPT, todos os postos dependen da dirección da axencia e por tanto non existen centros de destino diferentes. Aseguran que respetaron as localidades, inda que non así as ubicacións dentro dunha localidade. Aceptan que poida haber algún traballador/a fora do posto e din que van revisalo. Afirman tamén que non houbo queixa de ningún traballador.

A CIG non comparte, para nada, esa satisfacción de AMTEGA:

  • Se non teñen RPT foi porque non lles deu a gana, pois tiveron tres anos para facela.
  • A xente que concursou optou a uns postos cunhas características determinadas. Algunhas evidentes, como son a consellaría á que prestaban servizo e localidade.
  • Unha vez que gastaron os puntos de parmanencia no posto encóntranse que é como se non concursaran.
  • Se teñen problemas nalgún posto en concreto, teñen a opción de retelos durante un máximo de tres meses, e por escrito.
  • Hai xente que non concursou por non moverse da localidade. De saber que podería non afectarlles, é posíbel que concursaran.

En definitiva, a CIG reclama que cada quen vaia ao posto que lle corresponde segundo as características que tiñan na data de publicación do concurso. O mesmo para o persoal de destino definitivo. Unha vez feito esto, falemos da RPT. De non facelo, iremos ao xulgado.

Para rematar, fixamos data para unha primeira xuntanza pola RPT da axencia: 31 de xullo. Pero quede claro que se pretenden deixar as cousas como están adaptando a RPT sen máis, será a xustiza quen decida.

Outras novas recentes

Venres, 20 Xuño 2025

Aire acondicionado no Consorcio: teremos que esperar a outra pandemia ou á emerxencia climática?

Denunciamos o maltrato institucional a persoas anciás e crianzas e o incumprimento da normativa en Prevención de Riscos Laborais para o persoal traballador Moitas das escolas infantís da rede Galiña Azul e os Centros de Atención a Persoas Maiores (CAPM) xestionadas polo Consorcio Galego de Servizos de Igualdade e Benestar carecen de sistemas de climatización. Estes días de...
Mércores, 18 Xuño 2025

Mobilízate pola profesionalización das cociñas da Xunta e os dereitos do persoal non docente

Fartas xa desta Adminstración Pública que mingunea ao persoal que traballa nas cociñas de xestión da Xunta de Galiza e pisa os dereitos do persoal non docente nos centros de ensino públicos, convocámoste á movilización que terá lugar o vindeiro día luns 30 de xuño ás 11 horas que partirá dende diante da Consellaría de Educación nos edificios administrativos de San...
Venres, 20 Xuño 2025

Caótica xestión da Xunta de Galiza na residencia de Taboadela: diñeiro público malgastado e atención precaria

Dende a Confederación Intersindical Galega (CIG) erguemos a voz unha vez máis para denunciar a situación crítica do Centro de Maiores de Taboadela, do Consorcio Galego de Servizos de Igualdade e Benestar e a "actitude irresponsable e despilfarradora" da Xunta de Galiza. A Administración Autonómica mantén a persoal na casa cobrando sen traballar, mentres que nas instalacións...