Novas por contido

Traballo e Benestar ten o Gabinete de persoal asesor de confianza mais inflado de Xunta de Galicia e ten tamén o primeiro posto en recortes de postos de traballo de persoal de atención directa en residencias da terceira idade e centros de menores.

Beatriz Mato necesita o asesoramento de 6 persoas, a outras 4 encargadas de facer  notas de prensa laudatorias e publireportaxes (pagados con fondos públicos)  e a 1 mais para actuar de Xefa desta nutrida nómina de asesores dos que maior salario percibe, cobra 54.378 euros do erario publico e o resto unha media de 30.000 euros anuais. Son un total de 11 persoas contratadas polo libre albedrío de Beatriz Mato e para asesorala a ela mesma, polo que parece ser en numerosas facetas de coñecemento e experiencia das que carece a conselleira nin lle poden axudar nengun dos funcionarios e persoal laboral do seu departamento.

A consellería Beatriz Mato non toca nen un euro nen reduce a desorbitada nómina de asesores e persoal de confianza ao seu servizo persoal e para darlle pompa e boato as súas actividades. Propaganda que lle consta aos cidadans galegos 350.000 euros anuais. Consideramos totalmente prescindibles a estes asesores que son escollidos a dedo por Beatriz Mato con ningunha xustificación profesional e de necesidade para o funcionamento dos distintos departamentos de Traballo e Benestar. Cargos subordinados a obedecer directrices politicas e sen funcións administrativas e de xestión, superfluos totalmente xa que o seu traballo de caracter político xa é desempeñado polos directores xerais e as labores administrativas son feitas polos Xefes de Servizo.

Consideramos, que hai unha acción irresponsable e arbitaria, de mala xestión do erario público por parte de Beatriz Mato que dende a tan predicada contención do gasto, solo se centra en suprimir postos de traballo en centros de menores, residencias de maiores, escolas infantis,etc, e mantén este tipo de contratos de asesores por riba das necesidades reais que suporian unha atención eficaz e eficiente. Os servizos sociais non poden ser un saco sen fondo onde recortar gastos e eliminar postos de traballo, para poder pagar a un éxercito de persoal de confianza en número desmedido e incontrolado con asesores políticos, persoal de gabinete, asistencias técnicas e directores xerais ao servizo do clientelismo político e non para cubrir as necesidades dos cidadans.

A CIG denuncia esta situación e solicita a reducción dos gastos suntuarios e de exclusivo e marcado cariz político. Eliminando os postos de asesores en gabinetes e a supresión deste tipo de persoal de confianza. Un xeito de contratación que nestes tempos de recortes e austeridade supon un privilexio dos conselleiros extemporáneo e de épocas nas que a Administración era o lugar ideal para colocar a amigos, parentes e compañeiros de partido.

Outras novas recentes

Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...
Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...