Novas por contido

No DOG do 29/04/2013 a EGAP publica a resolución pola que se convoca un toal de 1.000 prazas a través da segunda edición das probas de avaliación de carácter libre das actividades formativas que compoñen o Plan formativo ofimático de Galicia para o persoal ao servizo da Administración autonómica de Galicia.

Os contidos das accións formativas deberían estar abertos para os efectos de favorecer a preparación das probas libres, atendendo á solicitude da CIG para a primeira edición. As traballadoras e traballadores seleccionados para as probas libres de ofimática deberían poder acceder aos correspondentes contidos a través da plataforma de teleformación da EGAP. 

O certificado expedido pola Escola Galega de Administración Pública que acredite a superación das actividades formativas que compoñen o Plan formativo ofimático de Galicia, na modalidade presencial, teleformación ou acceso libre, permitirá obter a certificación galega de competencias dixitais en ofimática, nos termos previstos no Decreto 218/2011, do 17 de novembro, polo que se regula a certificación galega de competencias dixitais en ofimática.

Poderán participar nas probas convocadas por esta resolución os empregados e empregadas públicos destinados na Administración autonómica de Galicia que se encontran en situación de servizo activo, permiso por maternidade, adopción ou acollemento ou excedencia polo coidado dun fillo ou dun familiar e que reúnan os requisitos establecidos na presente convocatoria. Está exceptuado o persoal docente da Consellería de Cultura, Educación e Ordenación Universitaria e o persoal sanitario, sempre que non desempeñen postos de Administración xeral.

As probas terán lugar nas dependencias da Escola Galega de Administración Pública, sita na rúa de Madrid, 2-4, Santiago de Compostela, os días 17, 18, 19 e 20 de xuño de 2013, das 9.00 ás 15.00 horas e das 16.30 ás 20.30 horas.

O calendario de desenvolvemento das probas será o seguinte:

Datas

Accións formativas

Prazas

Horario

17.6.2013

Aplicacións informáticas de bases de datos (OpenOffice)

50

1ª quenda: das 9.00 ás 11.00

Aplicacións informáticas de bases de datos (Microsoft office)

100

1ª quenda: das 11.00 ás 13.00

2ª quenda: das 13.00 ás 15.00

Aplicacións informáticas de follas de cálculo (OpenOffice)

100

1ª quenda: das 16.30 ás 18.30

2ª quenda: das 18.30 ás 20.30

18.6.2013

Aplicacións informáticas de follas de cálculo (Microsoft office)

150

1ª quenda: das 9.00 ás 11.00

2ª quenda: das 11.00 ás 13.00

3ª quenda: das 13.00 ás 15.00

Aplicacións informáticas de tratamento de textos (OpenOffice)

100

1ª quenda: das 16.30 ás 18.30

2ª quenda: das 18.30 ás 20.30

19.6.2013

Aplicacións informáticas de tratamento de textos (Microsoft office)

150

1ª quenda: das 9.00 ás 11.00

2ª quenda: das 11.00 ás 13.00

3ª quenda: das 13.00 ás 15.00

Aplicacións informáticas para presentacións gráficas (Microsoft office)

100

1ª quenda: das 16.30 ás 18.30

2ª quenda: das 18.30 ás 20.30

20.6.2013

Aplicacións informáticas para presentacións gráficas (OpenOffice)

50

1ª quenda: das 9.00 ás 11.00

S.O., busca da información: internet/intranet e correo electrónico (contorno Windows)

150

1ª quenda: das 11.00 ás 13.00

2ª quenda: das 13.00 ás 15.00

3ª quenda: das 16.30 ás 18.30

S.O., busca da información: internet/intranet e correo electrónico (contorno Linux)

50

1ª quenda: das 18.30 ás 20.30

O persoal que desexe participar nas probas de avaliación libre dos cursos convocadas nesta resolución deberá cubrir o formulario de matrícula telemático na páxina web da EGAP http://egap.xunta.es

Outras novas recentes

Venres, 29 Agosto 2025

O PP despreza ao persoal bombeiro forestal

Xa sabiamos que para o PP a culpa dos lumes é de todo o mundo menos deles. Agora ben hoxe coñecemos unha mensaxe tremenda da presidenta do PP do Barco de Valdeorras nas redes sociais. Que esta señora afirme que a única culpa dos lumes a teñen os incendiarios e algún das brigadas forestais supera tódolos límites e ahí sí que se van atopar de fronte coa CIG. E non contenta...
Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...