Novas por contido

Á Dirección Xeral da Función Pública hai que “tirarlle do aire”, pois como aqueles vellos Seat 124 senón lle tiras do starter van a golpes e ratean. Igual lle pasa a Barreiro que vai a bandazos e presentounos un acordiño con mestura de “todo un pouco” na Mesa Xeral do pasado martes 18 de xuño. Basicamente recolles seis puntos sobre diferentes dereitos a mellorar:

Punto 1. Aumento das contías do Fondo de Acción Social (FAS)

O persoal laboral pode optar a unha axuda no FAS de 180 euros mensuais e o persoal funcionario ten unha contía menor no actual FAS aprobado polo que se incrementa a cantidade dos pagos para igualar ao persoal funcionario e laboral. A equiparación vaise facer entre as anualidades de 2019 e 2020. Recordemos que o FAS só contempla a axuda por discapacidade e maior a cargo.

A CIG quere recuperar os importes e as modalidades do Fondo de Acción Social que se cargaron no 2012. O director de Función Pública négase a incorporar todo o fondo tal como pedimos porque a situación económica non está igual que no 2008 (dependendo para que, si hai diñeiro). Di que poderían modificar un pequeno parágrafo para que non se teñan en conta os ingresos do solicitante se o discapacitado/a ten máis dun 75% de invalidez. Preguntamos pola publicación do FAS de 2018 e nin contestaron.

Punto 2. Ampliación do horario de verán

Recolle a aplicación de horario ampliado para as flexibilidades por conciliación (6 horas no tramo diario da conciliación non en horario de 8 a 3 como ata o de agora). Aplica o horario de verán ás reduccións de xornada cunha minoración de horas dun 20%.

Pese ás reiteradas peticións de ampliación dixeron que agora non é posible, pero que intentarían ver as posibilidades de aplicación de melloras (non sabemos se se refería ao horario ou a aplicación ao persoal política social [do resto de persoal, nen pío]).

Punto 3. Ampliación da OPE do persoal do servizo de extinción de incendios

Convocarán este ano 100 prazas de persoal laboral temporal que presta servizos 9 meses a prazas de persoal funcionario de 12 meses. Ampliable no 2020 a 100 prazas máis.

Venden o seu camiño á funcionarización e a mellora dese persoal, non din nada cando se lle alude ao dereito de consolidación de moitas desas prazas.

Punto 4. Ampliación da redución de xornada para reincoporación ao traballo despois de tratamentos oncolóxicos ou enfermidade grave

Amplía o dereito recoñecido da redución de 25% da xornada ata un 50% da mesma, cunha duración de un mes ampliable a outro.

Nada que comentar (pasa dun 25% a un 50%), máis que era un dereito que xa tiñan os docentes.

Punto 5. Acurtamento de prazos para o cobro da carreira profesional para persoal interino ou persoal que non cumpría os requisitos

O persoal interino ou temporal poderá acortar os cinco anos de espera para a carreira, comezando a cobrar no ano 2020 (un 25% por cento) ata o ano 2023 coa consolidación do grao I; sempre e cando cumpra 5 anos de antigüidade a 31/12/2019.

O persoal que non cumpría requisitos (formación basicamente), será igualmente incorporado nas mesmas condicións que os anteriores se a 31/12/2019 xa ten a formación necesaria.

Fan un remendo da carreira profesional que non chega para incorporar a todo o persoal. Por medio, CCOO e UGT louvando a mellora.

Punto 6. Acordo Kafkiano que ninguén entende

Neste punto que parecía redactado por Xan das Bolas, houbo que pedir aclaracións para ver que carallo dicía: ao final o que querían dicir era que as prazas dos procesos de consolidación non contabilizan para a cuantificación das promocións internas no referente ao persoal laboral.

En palabras do DXFP: "os procesos de consolidación non van contar no sumatorio para a cuantificación de prazas para a promoción interna (ou sexa se tes 100 prazas de consolidación e 200 de libre; a promoción interna contabilizase nunha proporción das 200)". 

Outras novas recentes

Xoves, 10 Xullo 2025

Procesos selectivos; comisións axentes forestais; listas cociña (MSF 10/07/25)

Na orde do día da Mesa Sectorial de Negociación do Persoal Funcionario (MSF) que tivemos o xoves 10 de xullo, tratáronse as convocatorias dos procesos selectivos de A1-Ciencias do Mar, A1-Profesores das escolas náutico-pesqueiras (varias especialidades), e A2-Mestres de taller das escolas náutico-pesqueiras (máquinas e produción). Na rolda aberta de intervencións puidemos...
Mércores, 02 Xullo 2025

Confírmase a estafa: cando nos paguen os atrasos do 0,5% levaremos perdido o 2,30% en tan só tres anos

O Goberno ven de aprobar a suba salarial adicional do 0,5% confirmando a perda do poder adquisitivo do persoal empregado público . Esta miseria é froito do pacto salarial de CCOO e UGT, e agora pretenden de novo vender como un éxito o que foi un “pacto de perdas” Os tres protagonistas da última tomadura de cabelo ás empregadas e empregados públicos saíron nestas últimas...
Xoves, 10 Xullo 2025

Creación da Axencia Intecmar (09/07/25)

O día 9 de xullo tivemos a primeira reunión (segundo a Consellería) informativa sobre a creación da Axencia INTECMAR e a disolución do Instituto. Isto segundo a Consellaría, pero o comité de empresa de INTECMAR xa negociou o borrador que presentan. Aínda que a directora e a vicesecretaria xeral din que non se negociou nada, o presidente do comité de empresa comenta na súa...