Novas por contido

A consellería de Infraestructuras e Mobilidade convocou a unha xuntanza as organizacións sindicais co obxectivo de repasar cuestións pendentes como os Acordos de Augas e Legoeiros. Aproveitamos para por sobre a palestra o teletraballo en tempos de COVID, as medidas de prevención e as modificacions das RPT pendentes.

ACORDOS

O secretario xeral informa que despois dos días 3 e 4 de outubro, por mor da funcionarizacion, teñen pendente unha xuntanza da Consellería coa Dirección Xeral de Función Pública para establecer un calendario de execución dos acordos, tanto do persoal da AXI como da Gardería Fluvial, coa previsión de sacar as prazas na OPE este trimestre. Convocarán a comisión de seguimento para informar dos avances con FP e realizar o cronograma.

A Consellería manifesta que quere pechar tamén neste derradeiro trimestre do ano a negociación da RPT de augas, e executar o acordo da gardería fluvial que recollía a incorporación de pluses. Para a RPT de augas hai que valorar as cargas de traballo e estudar se é preciso a creación de postos.

No caso de facilitar o acceso á titulación do Acordo de estradas o ven difícil polos atrancos da consellería de Educación.

COVID

Aínda que esta é unha das consellerías que mais información esta a dar sobre a evolución da enfermidade, positivos e participar as medidas nos comités de seguridade e saúde laboral, dende a CIG destacamos:

1. Para a CIG é clara a insuficiencia do teletraballo ordinario como medida anti COVID ou incluso para a conciliación nestes tempos de peche de aulas e centros de día. Mentres non regule a Xunta ou amplíe teletraballo por estas causas, eles poden axilizar o teletraballo ordinario a máximas xornadas (3) como causa EXCEPCIONAL da pandemia. Tamén solicitamos que se demande o teletraballo COVID de novo ante FP. Así, consideramos inaceptable retrasos de máis de dous meses na aprobación do teletraballo e esiximos o establecemento do PRINCIPIO DE PRECAUCIÓN, evitando a coincidencia de persoal nos centros (quendas de teletraballo nas unidades), empregando o teletraballo como a medida organizativa máis efectiva na prevención fronte a Covid nos edificios administrativos. Tamén recordamos a necesidade de fórmulas seguras para aquel persoal que non pode teletraballar.

2. Denunciamos o feito de que hai centros desta consellería onde non se están a proporcionar máscaras nin xel hidroalcólico, exemplos como o de Pontevedra ou SSCC. Avisamos de que temos interpostas denuncias e tiramos o compromiso de que as máscaras serán facilitadas para o persoal dos edificios administrativos.

Outras novas recentes

Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...