Novas por contido

A Dirección Xeral de Función Pública enviounos un borrador de criterios de reparto do FAS-2020, cos mesmos recortes que comezaron no ano 2011 e que o deixaron sen diñeiro e coa desaparición de case todas as medidas.

A proposta reparte un máximo de 2 millóns de euros, o que significar un recorte de máis de 7 millóns respecto dos 9 millóns que tiñamos no 2010, cunha única modalidade de fondo, a de atención a persoas con discapacidade, cando no ano 2010 tiñamos axudas, desaparecidas, por: xubilación, discapacidade propia, fillos/as menores, maiores a cargo, axuda aos estudos de fillos/as e propios, adquisición de vivenda ou gastos sanitarios.

No ano 2012, en medio da crise, o Goberno de Feijoo impulsara a Lei 1/2012, de medidas temporais en determinadas materias do emprego público da Comunidade Autónoma de Galiza, que entre outras medidas deixou o FAS do ano 2011 en nada. Pasaron os anos, o Presidente da Xunta presumiu de que saíramos da crise, pero as "medidas temporais" continuaron no tempo.

En todos estes anos o goberno de Feijoo non amosou a máis mínima intención de reverter os recortes do FAS. Xa que logo, as alegacións da CIG volven ser similares ás de anos anteriores. Queremos recuperar todas as modalidades do FAS que tiñamos antes dos recortes. E a partir de aí, falamos, pois hai moitas outras medidas que queremos meter, como axudas para aluguer, ou novas como mitigar as consecuencias do COVID-19 ou o gasto que moitas e moitos empregados públicos tiveron que facer fronte á necesidade da dixitalización dos fogares.

Non queremos perder o horizonte do que é o FAS: non é unha retribución pola categoría profesional ou o traballo realizado, senon unha acción que axude a mitigar a maior ou menor carga económica que sufra un/unha empregado/a público/a en función das súas circunstancias (familiares, sanitarias ou sociais).

O importe global actual é ridículo. Mantemos a nosa reivindicación de chegar ao 1% da masa salarial. Pero como mínimo, para comezar a discutir, recuperar os importes subtraídos no 2011. Para facernos unha idea do que falamos e da evolución que esto levou, vai un cadro coas modalidade e importes dos anos 2010 e 2020:

 

FONDO DE ACCIÓN SOCIAL

2010

2020

 CONTÍA GLOBAL

 9.136.392 € 

 2.000.000 € 

 CONTÍAS MÍNIMAS POR MODALIDADES

Atención á discapacidade 1.300 € 2.160 €
Xubilación 3.500 € 0 €
Fillos/as menores 150 € 0 €
Estudo de fillos/as 90 € 0 €
Estudo do persoal da Xunta 200 € 0 €
Adquisición de vivenda 1.532 € 0 €
Maiores a cargo 200 € 0 €
Gastos sanitarios (tratamentos, próteses) 60 € 0 €
Gastos sanitarios (produtos alimentarios) 60 € 0 €

 

Para rematar, queremos compatibilizar as axudas do FAS con outras que se poidan percibir, e que a resolución e aboamento sexa no mesmo ano natural da convocatoria para evitar os problemas con declaracións complementarias de IRPF.

Outras novas recentes

Venres, 17 Outubro 2025

A Xunta impón modificacións da Lei do emprego público de Galiza a través das leis de acompañamento e de orzamentos para o 2026 sen ningun...

Dúas das normas máis relevantes para as persoas empregadas públicas como son a lei de orzamentos e a lei de acompañamento (lei de medidas fiscais e administrativas), o PP despachounas sen dar lugar sequera a unha negociación real. E para isto non nos enviou os textos das leis ata 20 horas antes da Mesa Xeral de Negociación de Empregados Públicos, e para poñer máis...
Luns, 20 Outubro 2025

Concursos de traslados de veterinarios/as e escalas sociais: relación provisional admitidos/as e excluidos/as

Recibimos comunicación da Dirección Xeral de Emprego Público e Administración de Persoal na que nos informan de que o mércores 22 de outubro publicarán no Diario Oficial de Galiza as seguintes resolucións: Resolución do 15 de outubro de 2025 pola que se aproba a relación provisional de persoas admitidas e excluídas do concurso de traslados F0325, escala de veterinarios....
Martes, 14 Outubro 2025

Privatización da vixiancia de estradas. A AXI non aposta polo seu persoal e vai reforzar o servizo de vixilancia de estradas con persoal ...

No mes de xullo, a CIG solicitou a revisión dos pregos no procedemento de licitación para a contratación da conservación ordinaria e da viabilidade invernal das estradas de titularidade da Comunidade Autónoma de Galiza. Con data do 10 de xuño de 2025, a Axencia Galega de Infraestruturas (AXI) fixo pública, a través da Plataforma de Contratación Pública de Galiza, a...