Novas por contido

O director xeral de Función Pública (DXFP) convocounos a unha xuntanza da Mesa Sectorial de Persoal Funcionario que será o venres 12 de xaneiro, ondese van discutir as seguintes convocatorias de procesos selectivos de acceso libre e promoción interna (conxunta con libre), a maioría correspondentes á OEP do 2021 (as convocatorias de promoción interna separada que están enriba da mesa, serán discutidas para a semana que ven).

Segundo informou o DXFP, teñen a intención de aprobalos na Comisión de Persoal que sería como moi pronto o venres 19, engadindo que en todo caso queren publicalos en DOG neste mes de xaneiro (polas eleccións, febreiro sería complicado).

A CIG presentou alegacións escritas aos borradores iniciais o luns 8. Son alegacións polo miudo, extensas, polo que da xuntanza previa que tivemos este mércores 10, destacamos unha selección de ideas:

  • Forma de acceso: concurso-oposición
  • Promoción interna: separada do acceso libre, vertical e horizontal dende calquera escala
  • Primeiro exercicio aos 6 meses (non nos vale o "non antes de 6 meses", xa que incumpren sistemáticamente o pactado, chegando a duplicar as previsións).
  • Nos exercicios con dúas partes: que non haxa corte en cada parte
  • Non temas. Non exame oral. Non lectura. Todas as probas tipo test (cuestionarios e supostos prácticos)
  • Indicar corte en todos os exercicios.
  • Programa: normas de dereito. Se van temas, que editen manuais ou publiquen referencias bibliográficas
  • Para poder dar destino definitivo, convocar os concursos de traslados
  • En promoción interna non obrigar a permanecer no posto se está aberto. Buscar a maneira de recualificar os postos ou facilitar a localidade
  • En A1-Bioloxía unir as outras 10 prazas pendentes (OEP-2022)
  • En finanzas, si meten prácticas, que cobren o 100% das retribucións complementarias.

O DXFP comunica unha serie de cambios que aceptan ou que están a valorar:

  • En veterinarios/as, decidiron repartir a oferta en dúas convocatorias diferentes, unha mediante concurso-oposición (38 prazas da OEP-2021), e outra mediante oposición (55 prazas das OEP-2022 e 2023). Advirte que en todo caso, a data do primeiro exercicio será simultanea para os dous procesos.
  • En finanzas prevé facer algúns axustes no programa e valorarán si gardar ou non o aprobado dalgún exame para convocatorias de anos seguintes. Tamén valorarán si reconverter o periodo de prácticas nun curso da EGAP.
  • Afirma o DXFP que non acepta facer un cambio de modelo, deixando esta cuestión para discutir no 2025 (se continúan no goberno, di), pero en todo caso, non ve ideneas as probas exclusivamente tipo test para grupos altos.

Na Mesa Sectorial do venres, haberá máis información.

Outras novas recentes

Venres, 30 Mai 2025

Comisión de listas (28/05/2025)

Na Comisión do pasado mércores 28 de maio informaron que neste mes vanse publicar as listas provisionais de funcionarización (das que hubo que presentar solicitudes). Non informan da data só que será antes da próxima reunión da Comisión, que será o 2 de xuño. Tamén se van a modificar varios acordos para adecualos á lexislación vixente e por causa de sentenzas xudiciais...
Venres, 23 Mai 2025

Concurso de traslados de persoal dos institutos marítimo-pesqueiros: relación provisional de admitidas

No DOG do 23/05/2025 publican a RESOLUCIÓN do 21 de maio de 2025, da Dirección Xeral de Emprego Público e Administración de Persoal, pola que se aproba a relación provisional de persoas admitidas e excluídas no concurso para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galiza,...
Xoves, 29 Mai 2025

Menores vulnerables en mans de empresas privadas. Quen os protexe?

Cando o que importa non é o servizo, senón trincar pasta! Recentemente, veñen de publicarse dúas novas no DOG (Resolución do 12 de maio de 2025 e a Resolución do 23 de abril de 2025) que fan referencia a que os concursos polos que dous centros de menores, o de Casa da Quintán en Ponte Caldelas (oito prazas) dirixido a menores con medidas de protección e problemas de saúde...