Na xuntanza do pasado 19 de novembro presentan a amortización de 16 prazas, fronte á creación de 8 na RPT da Consellería de Medio Rural, afectando sobre todo aos “postos de abaixo”
Nesta RPT, da que non se acompaña memoria económica, máis que segundo os cáculos da CIG supoñen un diferencial de 358,000 euros, é a primeria vez na que se amortizan as prazas de Xefe/a Territorial para crear prazas de Director/a Territorial, abertas á cobertura por parte de persoal non funcionario e polo tanto, acubillo futurible de colocacións de políticos/as amigos/as en horas baixas...
Aproveitamos para reclamar que a xefatura de negociado de nova creación e que denominan “unidade de apoio administrativo” se abra aos grupos A2, cousa que non consideran porque refiren que é unha unidade na que se pretende, sen máis, un traballo con programas ofimáticos...
Solicitamos a igualdade na denominación dos postos creados na Coruña e en Lugo como “Posto base subgrupo A1” do SPIF” a “Técnico/a Apoio SPIF” e se abran ao A2.
Reclamamos tamén que todas as brigadas leven xefe/a de brigada que se faga responsable e, polo tanto, se creen as prazas necesarias para esta cobertura, tal como dende a CIG xa reclamamos en varias ocasións.
Solicitamos información se está en funcionamento a UDEX e cando se van a poñer as prazas na RPT e insistimos que se creen as 57 prazas na UIFO, 3 por distrito que se comprometeran. Refiren que estes temas non se van tratar nesta RPT e que a partires de xaneiro se concertarían nunha nova reunión...
