O día 21/11/2024, a Dirección Xeral de Emprego Público colgou unha nota informativa na súa páxina web sobre a proba física de varias categorías dos procesos do Servizo de prevención e defensa contra incendios forestais SPIF).

Dado que esta nota é incompleta, xera dúbidas e dela se poden derivar graves consecuencias, dende a CIG vimos de reclamarlle hoxe á DXEP que con carácter de urxencia:

• Se publique o listado das persoas que están obrigadas a acudir á mesma.
• Que se indique a hora e o lugar das mesmas.
• Que se publiquen instrucións claras e concisas de como actuar en caso de baixa por IT, embarazo, etc.

E ademais, debido ás prolongadas esperas que se están a sufrir en moitas localidades para conseguir unha cita para a expedición dos certificados médicos, esiximos que se aclare canto antes.

E a maiores lembrámoslles ás persoas que están pendentes das probas físicas, que as mesmas están establecidas nos puntos 2.7.2 e 2.7.3 dunha resolución publicada no DOG do 23 de xaneiro de 2023