O pasado venres 11 de marzo, tivo lugar unha xuntanza da Mesa Sectorial de Negociación de Persoal Funcionario, na que se trataron os seguintes asuntos: 1) concurso de traslados de profesores e mestres de escolas náutico-pesqueiras, e de axentes de extensión pesqueira, 2) concurso de traslados de arqueólogos/as, delineantes, arquivos, bibliotecas e museos.
Na rolda aberta de intervencións, a directora xeral de Emprego Público e Administración de Persoal (DXEP) deu información das previsións dos próximos concursos de traslados, carreira profesional, concursos específicos e teletraballo.
1) CONCURSOS DE TRASLADOS DE: ESCALAS DE PROFESORES E MESTRES DE INSTITUTOS POLITÉCNICOS MARÍTIMO-PESQUEIROS, AXENTES DE EXTENSIÓN PESQUEIRA
2) CONCURSOS DE TRASLADOS DE: ARQUEÓLOGOS, RESTAURACIÓN, DELINEANTES, ARQUIVOS, BIBLIOTECAS E MUSEOS
No concurso 1): listado inicial de postos a ofertar eran 75. A consellería retirou algún, quedando 72. Nas bases corrixen o erro de deixar sen máximo o baremo de permanencia e conciliación.
No concurso 2):
- Retiraron a escala de expertos lingüistas porque está pendente da modificación da RPT de Agacal (había un posto en corpos xerais, e debe ir á escala de lingüistas). Eran 14 postos.
- Retiran a escala técnica de restauración (3), por non existir ninguén en destino definitivo.
- Retiran algún de delineante por proposta de amortización. Asegura que farán seguimento deses postos para a súa amortización efectiva.
- Engadiuse algún posto vacante novo dende o anterior borrador de prazas
- Partiamos de 171 postos vacantes. Quedan 153 postos.
Engaden novo baremo de puntuación polo grupo de pertenza. E engaden a documentación de penais por violencia sexual ou trata de persoas para os postos vinculados con menores.
No xeral, as bases son similares ás dos últimos concursos convocados, e en grandes liñas a CIG manifestou o seguinte:
- As consellerías tiveron anos para modificar a súa RPT, polo que non aceptamos que agora retiren postos por propostas de amortizacións. Queremos que se convoquen todas as vacantes existentes. E se retiran algún, que se lles impida cubrilos en comisión de servizos. Queremos datos individualizados deses postos, para poder facerlles un seguimento posterior.
- Que se estude a seguridade xurídica de poder incluír novos postos vacantes xerados entre a convocatoria do concurso e o momento de elección de postos.
- Aumentar o máximo de anos de antigüidade (31 anos con estas bases)
- Traballo desenvolvido: excesivamente desequilibrante.
- Grao persoal: fixar o tope no grao 26, por ser o último conseguible por concurso ordinario.
- Formación: faltan as escolas de idiomas. Non ao tope de 150 horas por curso.
- Titulación académica: observamos unhs disfunción entre a equivalencia pre-Boloña e MECES. Pedimos revisión.
ROLDA ABERTA DE INTERVENCIÓNS
A DXEP facilitou a seguinte información:
Previsión de seguintes concursos de traslados: traballando no de escalas sociais (facultativos) e veterinarios e continúan traballando no resto de concursos que teñen incidencia para dar destinos nos procesos de estabilización.
Carreira profesional: analizando alegacións. En abril/maio comezarase a negociar a convocatoria en mesa.
Sentenza de destinos provisional-definitivo: están recorrendo as sentenzas e para que cause o menor dato, están convocando os concursos de traslados priorizando que teñen relación coas sentenzas.
Concurso específico: revisando alegacións. Como se quedara, convocarán unha xuntanza previa á Comisión de Persoal.
Teletraballo: pode establecerse ata 1 día fixo de presencia obrigatoria no traballo e o 40 % de presenza no servizo diariamente.
Comisión de seguimento do acordo de Política Social: será o venres 25 de abril. Enviarán a convocatoria e documentación probablemente a semana que ven.