Informamos que se abriu o prazo para as seguintes actuacións:
- Modificación de ámbitos
As persoas inscritas nas listas poden solicitar electronicamente a modificación de ámbitos no mes de xaneiro de tódolos anos. Estas solicitudes producirán efectos na xestión das listas a partir do 1 de marzo seguinte.
- Actualización de méritos
A Administración efectuará anualmente de oficio a actualización de méritos e publicará a lista provisional, dispoñendo as persoas interesadas dun prazo de dez días para reclamar no caso de non estar conformes con ela.
Nas categorías de persoal laboral do Servizo de Prevención e Defensa contra Incendios Forestais (SPIF), as persoas integrantes das listas poderán presentar solicitude de actualización de méritos no mes de xaneiro, achegando os servizos prestados nos concellos e mancomunidades na mesma categoría, categorías análogas ou asimilables.
- Modificación do concello de empadroamento
As persoas integrantes das devanditas listas que desexen modificar o concello de empadroamento farano no mes de xaneiro utilizando o modelo de solicitude que estará dispoñible no portal web e achegarán o certificado de empadroamento.
Premendo nesta ligazón pódese acceder directamente á páxina de xeración das solicitudes de ditas actuacións.
Cumpre lembrar que tódolos documentos que non estean asinados electronicamente deberan ser rexistrados de maneira presencial acompañado da solicitude pertinente. Por exemplo, na solicitude de actualización de méritos, logo de cubrir e imprimir o documento, achegarase por rexistro acompañado do certificado do concello, e asi progresivamente coas diferentes solicitudes que se precisen.
Con carácter xeral, o prazo de inscrición nas listas do decreto 37/2006 estará aberto entre os días 1 de marzo e o 30 de abril de cada ano.
SE PRECISAS AXUDA CONTACTA COS/COAS DELEGADOS/AS DA CIG NA TÚA COMARCA
