Na Comisión de Persoal do xoves 9 de abril dende a CIG preguntámoslle á DXEP pola problemática das listas da lei 17.

Levamos máis de catro anos sen a convocatoria da comisión de seguimento desas listas. E seguen facéndose chamamentos con criterios opacos: o persoal descoñece a súa posición real nas listas, porque nas listaxes non hai indicación de quen está en activo e quen non.

En todas as listas da Lei 17 figura como mérito a permanencia na clase (2 puntos por cada 5 anos continuados na mesma clase: o persoal que non pode optar por lei a coberturas superiores a 3 anos nunca pode obter esta puntuación; están a puntuar dúas veces polo mesmo mérito, dado que no baremo xa se puntúa a experiencia.

A OPE e as listas as xestiona o Sergas, e este persoal ten que cargar a información no Fides do SERGAS, mentres no Fides da Xunta teñen a actualización de méritos da Xunta, carreira, etc..

Non teñen motivo para que non se faga igual que no SERGAS porque a aplicación de consultas das listas, é a mesma. E no caso de SERGAS actualizan posición e quen está traballando incluso dúas veces ao día.

En definitiva, que hai que tomar unha determinación e optar ou polo pacto de contratación do SERGAS ou polo modelo de listas do Decreto 37/2006.

A DXEP limítase a dicir que revisarán o asunto falando co SERGAS para ver que sucede coa xestión das listas e sobre a convocatoria do concurso.