No DOG do 06/06/2022 o Consello de Contas de Galiza publica a RESOLUCIÓN do 24 de maio de 2022, do tribunal designado para cualificar o proceso selectivo de consolidación do emprego temporal para o acceso a postos de auxiliar administrativo (subgrupo C2), convocado polo Acordo da Comisión de Goberno do 13 de xullo de 2020 (DOG número 148, do 24 de xullo).
Publican, como anexo a esta resolución, a lista de aspirantes que superaron o proceso selectivo, por orde de puntuación obtida e con indicación do seu documento de identidade.
De conformidade co establecido na base IV.2 da convocatoria, as persoas aspirantes dispoñen dun prazo de vinte (20) días naturais, contados a partir do seguinte ao da publicación desta resolución no DOG, para presentaren a documentación prevista na citada base.