No DOG do 03/07/2024 publican:
- RESOLUCIÓN do 27 de xuño de 2024 pola que se regula o período de prácticas das persoas aspirantes que superaron a fase de oposición do proceso selectivo para o ingreso, polas quendas de acceso libre e promoción interna, no corpo de xestión da Administración xeral da Comunidade Autónoma de Galiza, subgrupo A2, escala técnica de finanzas, convocado pola Resolución do 30 de marzo de 2022.
Segundo o disposto na base II.3 da convocatoria do proceso selectivo da escala técnica de finanzas, o período de prácticas terá unha duración de dous (2) meses, que comezará o día 15 de xullo de 2024 e rematará o 14 de setembro de 2024, ambos incluídos.
Desenvolverase de luns a venres, co horario laboral xeral para o persoal da Administración da Xunta de Galiza (seis horas continuadas, comprendidas entre as 8.00 e as 15.00 horas).
- RESOLUCIÓN do 27 de xuño de 2024 pola que se convocan para a elección de destino en prácticas e se procede ao nomeamento como persoal funcionario en prácticas das persoas aspirantes que superaron a fase de oposición do proceso selectivo para o ingreso, polas quendas de acceso libre e promoción interna, no corpo de xestión da Administración xeral da Comunidade Autónoma de Galiza, subgrupo A2, escala técnica de finanzas, convocado pola Resolución do 30 de marzo de 2022.
Publican como anexo I a relación de persoas aspirantes que superaron a fase de oposición no dito proceso selectivo e que, para dar cumprimento á base II.3 da convocatoria, son convocadas de xeito presencial ao acto de elección de destinos en prácticas, segundo a orde que, en aplicación das bases da convocatoria, deberá seguirse para os efectos da adxudicación de destino. Este acto terá lugar no salón de actos pequeno (núm. 2) da Consellaría de Presidencia, Xustiza e Deportes (Edificio Administrativo San Caetano, s/n, Santiago de Compostela), ás 11.30 horas do día 8 de xullo de 2024.