No DOG do 26/02/2025 publican a ORDE do 17 de febreiro de 2025 pola que se regula o procedemento para o nomeamento como persoal funcionario de carreira do persoal laboral fixo de determinadas categorías profesionais que superou os procesos de funcionarización convocados polas resolucións do 26 de abril de 2021, do 12 de maio de 2021 e do 15 de decembro de 2023.
A partir da publicación desta orde no Diario Oficial de Galicia, o persoal laboral fixo incluído no anexo II deberá asinar un acordo de extinción do contrato de traballo, consonte o artigo 7.2 do Decreto 165/2019, do 26 de decembro, polo que se establece o procedemento para a adquisición da condición de persoal funcionario de carreira polo persoal laboral fixo do Convenio colectivo único do persoal laboral da Xunta de Galicia.
Os efectos administrativos da sinatura deste acordo de extinción serán do 28 de febreiro de 2025. A extinción estará condicionada á efectiva toma de posesión como persoal funcionario de carreira.
Os efectos administrativos da toma de posesión como persoal funcionario de carreira, que implicará o cambio de vínculo xurídico coa Administración, serán do día 1 de marzo de 2025.
