No DOG do 08/09/2025 a EGAP publica a RESOLUCIÓN do 29 de agosto de 2025 pola que se convocan as actividades formativas do Plan de formación do Servizo Público de Emprego de Galiza do ano 2025.

Poderá participar nas accións formativas convocadas mediante esta resolución dirixidas exclusivamente ao persoal que pertenza aos seguintes colectivos na data de finalización do prazo de solicitude das accións formativas:

– Persoal das oficinas de emprego, da Secretaría Xeral de Emprego e Relacións Laborais, así como ao persoal dos departamentos territoriais da Consellaría de Emprego, Comercio e Emigración.

– Persoal da Subdirección Xeral do Retorno dependente da Secretaría Xeral de Emigración.

O prazo de presentación de solicitudes principiará o día seguinte ao da publicación desta resolución no Diario Oficial de Galiza e rematará o día 16 de setembro de 2025.

As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo <https://egap.xunta.gal/ matricula> desde as 9.00 horas da data de inicio do prazo de presentación de solicitudes e ata as 14.00 horas da data de finalización. As solicitudes entenderanse presentadas unha vez que se complete correctamente o proceso de matriculación.

O número máximo de cursos que se poden solicitar durante o prazo de presentación de solicitudes limítase a tres.

Unha vez recibidas as solicitudes correctamente, asignaranse as prazas no curso solicitado por orde de inscrición ata esgotar o total de prazas entre os solicitantes que cumpran os requisitos establecidos na base primeira «persoal participante» do anexo I desta resolución.