No DOG do 07/08/26 publícase o nomeamento e adxudicación de destino definitivo como persoal funcionario de carreira no seguinte corpo, das persoas aspirantes que superaron os procesos selectivos convocados polas resolucións do 22 de decembro de 2022 (DOG núm. 244, do 26 de decembro, e DOG núm. 245, do 27 de decembro):
- Corpo facultativo de grao medio de Administración especial da Administración xeral da Comunidade Autónoma de Galiza, subgrupo A2, escala de técnicos facultativos, especialidade de educador infantil
Importante:
- Prazo de toma de posesión: quince (15) días naturais a partir do 18 de agosto de 2026
- As persoas que viñan ocupando de xeito temporal os postos adxudicados nesta resolución cesarán, con carácter xeral, o día 17 de agosto de 2026.
- Non obstante, e dado que os centros ou as escolas infantís, co carácter xeral, atópanse pechados no mes de agosto, a incorporación efectiva ao traballo realizarase o día 1 de setembro de 2026.
- Excepcionalmente, para o caso das escolas de garda, aplicaranse as medidas necesarias para garantir a continuidade na prestación de servizos sen menoscabar os dereitos das persoas que puideran resultar afectadas.
- No caso de que a persoa aspirante se atope en situación de incapacidade temporal, o prazo para a toma de posesión comezará a partir do día seguinte hábil á data de finalización da baixa médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, que poderán tomar posesión durante esta situación.
- As tomas de posesión realizaranse de xeito telemático seguindo as instrucións que figuran na seguinte ligazón https://www.xunta.es/dxfp/Xenericos/2026/proc_tp_cese.pdf
