No DOG do 20 de abril de 2016 sae publicada a Resolución pola que se convoca o procedemento de adxudicación de prazas para fillos e fillas do persoal da Xunta de Galiza dos servizos centrais e das xefaturas territoriais de Pontevedra e Vigo, na escola infantil de Vite de Santiago de Compostela, na escola infantil do Edificio Administrativo de Pontevedra e na escola infantil A Estrela do Complexo Administrativo de Vigo, respectivamente, para o curso 2016/17. O prazo de presentación de solicitudes, tanto de renovación de praza como de novo ingreso, será desde o 21 de abril ao 5 de maio, ambos os dous incluídos.

Unha vez máis dende a CIG demandamos unha gardería para o complexo administrativo de SSCC así como unha solución para o resto de persoal da Xunta de Galiza que non pode acceder a este beneficio social por non haber nin escola infantil no edificio administrativo nin prazas reservadas en escolas públicas próximas.