Novas por contido

O xoves 1 de decembro está convocada a Mesa Xeral de Negociación de Empregados Públicos onde se van tratar: as bases dos procesos selectivos para ingreso nas escalas superior de finanzas (A1), técnica de finanzas (A2) e axentes de gardacostas (C1); tamén vaise discutir o anteproxecto relativo á masa salarial do capítulo I do proxecto de lei de orzamentos da Xunta de Galiza para o ano 2017.

Respecto os orzamentos-2017, dicir que nestes momentos descoñecemos a proposta da Administración, pois xunto á convocatoria da Mesa Xeral non aportaron ningún documento. Esto é todo un síntoma do nulo interese por negociar e chegar a acordo.

Dos tres procesos selectivos, o que corre máis presa é o da escala superior de finanzas pois corresponde á OEP-2013 e corre risco de que caduque. Teñen a intención de publicalo, conxuntamente coa escala técnica de finanzas e axentes de gardacostas no mes de decembro.

En finanzas non mudaron nada respecto dos borradores anteriores (4/11/2016). O único que podemos dicir é que na xuntanza previa á Mesa Xeral (29/11/2016), tan só se comprometeron a estudar: a redución do temario para promoción interna, ampliar o tempo para o primeiro exercicio, forzar a que o tribunal teña que publicar a nota de corte antes de realizarse os exercicios. Nada de cambiar o tipo de probas, nin substituir temas por normas de dereito positivo, nin ... nada.

Para axentes gardacostas-C1 (OEP-2015), tampouco haberá marxe de negociación. O texto que aportan para a Mesa Xeral si contén algún cambio respecto do borrador previo (22/7/2016). Limítanse a: clarificar as bases I.2.1.2 e I.2.2.3 en canto ás titulacións, intercambiar a orde do 5º e 6º exercicio e ampliar o tempo que terán as mulleres para as probas físicas.

Na xuntanza previa falamos de veterinarios e ordenanzas diminuídos intelectuais:

Veterinarios: está a circular a información de que hai intención por parte da Administración de adiar este proceso selectivo. Dende a subdirección de provisión de postos e selección de persoal negan a información.

Ordenanzas diminuídos intelectuais: existen persoas que teñen recoñecida a minusvalía intelectual provisionalmente; como as bases falan de que a minusvalía hai que tela recoñecida o último día de presentación de instancias e mantela ata o nomeamento como empregado público, hai risco de que unha persoa con minusvalía provisional non teña a renovación e non cumpra as condicións finalmente; a fin de que esta xente que non ten garantías de manter a minusvalía saiba a que aterse, solicitamos que se fixe un calendario do proceso e se cumpra. Non obtemos resposta satisfactoria, limitándose a Administración a manifestar que por xaneiro publicarían a lista definitiva de admitidos e excluídos; o primeiro exercicio podería ser antes do verán, pero tratándose dun concurso-oposicións, probábelmente poríamonos a finais do 2017 para rematar.

De corpos xerais, bloqueadas dende fai tempo, non hai novas.

Outras novas recentes

Xoves, 19 Novembro 2026

RPT Emprego, Comercio e Emigración (19/11/26)

A Consellería de Emprego, Comercio e Emigracion, convocounos a outra xuntanza, que vai ser o xoves 19 de novembro, para continuar coa sú aproposta de modificación da Relación de Postos de Traballo. Para esta xuntanza, a Consellería achegounos documentación complementaria que podes consultar aquí: Descargar Se queres dicirnos algo, podes contactar coa CIG.
Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...