Novas por contido

A perda de emprego público como consecuencia da taxa de reposición de efectivos

Na década dos anos 80, as Administracións Públicas fixeron unhas políticas de contratación de persoal ao seu servizo expansivas, para dotar á cidadanía de máis e mellores Servizos Públicos (por exemplo na Oferta de Emprego Público do Estado do ano 1986 fora de aproximadamente 29.000 persoas).

Dende os anos 90 as Ofertas de Emprego Público Público incluían unha Taxa de Reposición de Efectivos, na que se limitaba o acceso de novos efectivos a respeito das baixas que se producían cada ano.

Unhas veces a oferta de novas prazas era de unha porcentaxe das baixas producidas no ano anterior, e, nos últimos anos, do 0% (con algunas excepcións en algúns colectivos de “especial necesidade”).

Estas políticas en materia de Emprego Público, empregada tanto polos governos do PSOE coma do PP, e refrendada mediante pactos cos sindicatos estatais, supuxeron unha importante diminución do número de efectivos nas distintas Administracións Públicas (xa que ésta decisión era vinculante para todas as Administracións: Estatal, Autonómicas e Locais), o que supuxo un substancial incremento do desemprego e o evidente deterioro da calidade dos servizos públicos.

Así, as persoas que traballaban nos servizos públicos na Galiza baixaron dos 30.297 efectivos no ano 2009 aos 27.959 no 2016 na Admón. do Estado na Galiza. Na Administración da Xunta de Galiza pasamos de 89.299 no 2009 aos 86.499 no 2016. Na Administración Local, na Galiza, pasamos dos 31.563 no 2009 aos 28.098 no 2016. Polo tanto, no total das Administracións Públicas na Galiza, pasamos de un total de 151.159 empregadas e empregados públicos a 142.556, que supón unha perda total de 8.603 efectivos, polo que o emprego público caíu un 6% no noso país.

Consecuencias:

1.- Incremento do desemprego.
2.- Diminución da calidade dos Servizos Públicos.
3.- Privatización dos Servizos Públicos.
4.- Aumento da corrupción derivada da contratación de empresas privadas para xestionar actividades propias dos Poderes Públicos.

É por iso que dende a Federación de Administración Pública da CIG demandamos a desaparición da taxa de reposición de efectivos na Lei de Orzamentos do Estado e que se permita ás distintas administracións ampliar os seus cadros de persoal, o que tería como consecuencia unha baixada importante do desemprego, unha recuperacións dos custos e a mellora da calidade dos servizos públicos e a recuperación dos mesmos, así como a eliminación de prácticas corruptas derivada das privatizacións de servizos.

FONTE DE DATOS: Boletín Estatístico do Persoal ao Servizo das Administracións Públicas (Xaneiro de 2009 e Xaneiro de 2016).

Luns 6/02/2017, ás 11h.
Por uns servizos públicos de calidade!
Recuperación dos dereitos e dos salarios roubados!

Outras novas recentes

Luns, 23 Xuño 2025

A extinción de incendios forestais na Galiza, cada vez máis perigosa e descoordinada

A CIG-Autonómica denuncia que un ano máis comezada a campaña de alto risco de incendios forestais seguimos sen ter unha xestión de persoal planificada e ordenada e destaca deficiencias no estado nas bases e no sistema de traballo dentro dos incendios forestais. No 2024, o Presidente da Xunta repetía a xustificación ante os incendios forestais do comezo do verán afirmando...
Mércores, 25 Xuño 2025

Monte e rural galego, razóns de vida para a prevención de riscos. Quique Casanova in memoriam (26/06/2025)

Xornada técnica de incendios organizada pola CIG-Autonómica de Lugo, in memoriam de Quique Casanova, prezado compañeiro falecido nun incendio forestal.  A xornada terá lugar o xoves 26 de xuño de 2025 no salón de actos da Deputación Provincial de Lugo. Dará comezo ás 9.30 h, e a súa clausura está prevista para as 14.30 h. O aforo é libre, previa inscrición no enderezo
Xoves, 19 Xuño 2025

A CIG consegue unha sentenza histórica: primeira sentenza do Estado que recoñece a aplicación dos coeficientes redutores a un compañeiro ...

Estimase a demanda interposta ante a Tesoureiría da Seguridade Social e a Xunta de Galiza condenando a certificar as bonificacións que correspondan na aplicación dos coeficientes redutores de xubilación previstos no Real Decreto 383/2008 do 14 de marzo que establece os coeficientes redutores da idade de xubilación dos/as bombeiros/as ao servizo da administración e...