Novas por contido

Achegamos os datos das adscripcións, comisións e prórrogas deste pasado mes de abril; revogacións só houbo unha, en Lugo. 

O número de comisións segue nunha tónica numérica parecida a meses anteriores: 71 novas comisións, 65 prórrogas e 8 adscricións. Porén, dentro das prórrogas xa hai persoal que se achega a máis de tres anos ou os supera, como un posto nivel 25 en Ourense que leva 5 anos ocupado pola mesma persoa. Recordamos que salvo en "non vacantes", o prazo máximo é de 2 anos. Outra cousa é que logo se produzan cruces de comisións e/ou comisións encadeadas.

Agora din que van sacar concursos cada 6 meses e que os van resolver en 3 meses, que xa fixeron cambios informáticos... o caso é que non avanzan prazos de para cando e levamos escoitando a mesma canción durante anos. E de todos os xeitos quedarían por regulamentar o das comisións de servizo en prazas non vacantes. En calquera caso, benvidos sexan os "concursos permanentes".

Outras novas recentes

Luns, 27 Outubro 2025

Bases do concurso de educacion infantil + aux. coidador/a (borrador 27/10/25)

A Dirección Xeral de Emprego Público e Administración de Persoal achéganos as bases e o listado de prazas do concurso de traslados das especialidades de educador/a infantil (técnicos/as facultativos e axentes técnicos/as facultativos) e da excala de auxiliar de coidadores. Os sindicatos temos prazo para presentar alegacións ata o luns 3 de novembro, así que se tes algo que...
Luns, 27 Outubro 2025

Manifestación do SPIF o 30 de outubro: a mobilización funciona!!

Seguimos adiante na loita aínda que CCOO, UGT e CSIF intenten deixar vendido ao persoal do Servizo de Incendios Forestais Denunciamos a actitude desleal e irresponsable de CCOO, UGT e CSIF, que solicitaron DESPOIS DA CONVOCATORIA DA MANIFESTACIÓN, unha reunión coa Consellería do Medio Rural excluíndo a representación maioritaria do persoal. Esta manobra, xusto antes da...
Martes, 28 Outubro 2025

Convocatorias de concursos-oposicións de promoción interna aos subgrupos A1, A2, C1 e C2

No DOG do 28/10/2025 publican: - RESOLUCIÓN do 22 de outubro de 2025 pola que se convoca o proceso selectivo para o ingreso, pola quenda de promoción interna, no corpo superior da Administración xeral da Comunidade Autónoma de Galiza, subgrupo A1. - RESOLUCIÓN do 22 de outubro de 2025 pola que se convoca o proceso selectivo para o ingreso, pola quenda de promoción interna,...