Novas por contido

1. A petición das organizacións sindicais, acoden representantes da Mutua Gallega ao CSSL Intercentros, para que nos aclararen os seus criterios na consideración de accidente in itinere e accidente laboral, para os empregados públicos da Xunta de Galiza.

A espera dun informe máis polo miudo onde se definan mellor as cuestións, a exposición da mutua confírmanos unha certa arbitrariedade, e que os casos son analizados individualmente, de xeito que o dictame pode ser diferente en casos semellantes; de todas formas tentamos forzar aclaracións na mesa das que destacamos varias situacións:

  • Persoal con flexibilidade horaria onde a hora de “ida ao traballo non esta definida previamente”, hai que buscar a carga da proba no caso de accidente. Dende as organizacions sindicais solicitamos ampliar o horario laboral ao recollido na orde de flexibilidade.
  • Teletraballo, aquí a cuestión é mais complicada, a carga da proba é mais difícil e, ao estar no domicilio, poden considerarse accidentes domesticos xa que para a MUTUA non son lugares de traballo.
  • Ausencia do traballo con permiso (acompañar a un fillo ao medico, obriga legal...), estes desprazamentos (ida e volta) non teñen consideración de accidente in itinere.
  • Asistencia a exames ou cursos da EGAP, ASGAP, xornadas formativas relacionadas co traballo e en centros da administración, para a MUTUA non esta demasiado claro e presentan dúbidas. Porén dende a CIG cremos que debera ser accidente laboral si é dentro do horario de traballo porque non se interrunpe a actividade laboral. No caso de que esta formacion sexa fora do horario laboral poden darse varios casos:
    • Formacion en materia prevención de riscos laborais, sempre se considera accidente laboral e os seus desplazamentos son a. in itinere porque ven reflectido na normativa.
    • Cursos ou xornadas obrigatorias son traballo polo que a cobertura e total no caso de accidente in itinere ou accidente de traballo (debemos ter constancia desa obrigatoriedade).
    • Formacion voluntaria aínda que sexa relacionada coa adquisicion de competencias profesionais non a consideran dende a MUTUA en ningun caso accidente e ata a comparan con cursos de macramé.
  • Recoñecemento medico da mutua ou desprazamento por mandato empresarial sempre é un accidente laboral.

Polo que, debemos notificar canto antes a nosa xefatura do accidente, asegurar a proba (mensaxe, Kronos), e empregar o modo e percorrido habitual para os desprazamentos in itinere.

2. Procedemento para a identificación e valoración dos riscos sicosociais na avalición xeral de riscos dos centros. Levamos anos pedindo que se mellore e se realicen as avalicións de riscos sicosociais xa que non hai case nengunha feita de oficio nos centros da Xunta de Galiza (só se fan por denuncia). O procedemento apróbase con matices que definen a imposición da avaliación de riscos sicosociais si da enquisa ao traballador/a (web.riscos@xunta.gal) ou da visita de avalición se sospeitan problemas deste tipo nos centro de traballo. Báixase a porcentaxe de enquisas recollidas nos centros para que sexan tidas en conta do 70 ao 60% e, dáselle potestade ao persoal tecnico avaliador de facer a análise de riscos sicosociais se así o considera. Dende a CIG voltamos a insistir que se teñan en conta os riscos sicosociais nos centros onde o persoal traballe a quendas ou teña traballo nocturno.

3. Proposta de Modificación de datos e representantes dos CSSL polo cambio de consellerías ao migrar traballo de Politica Social a Economía e Industria. Aceptamos o cambio de numero de representantes en relación ao censo no que non se modifique o numero total por organización sindical, polo que en Política Social quedarian 8 delegados e no comité de Economía, Emprego e Industria 7. Quedamos pendentes de facer o nomeamento dos delegados e delegadas.

4. Dende a CIG denunciamos a mala aplicación dos protocolos de vixiancia da saúde para o persoal de campo das consellerías de Medio Rural e Medio Ambiente e Ordenación do Territorio, o que nos parece gravísimo e pon en risco inmediato a estes traballadores, recordamos que xa foi demandado e alegado nos seus respectivos CSSL e comites de empresa e ainda asi dende o Servizo de Prevención non fixeron nada, polo que solicitamos o arranxo URXENTE en base a os riscos evidentes e as avaliacións de riscos.

Outras novas recentes

Luns, 20 Outubro 2025

Proposta de modificación da RPT do Instituto Galego de Vivenda e Solo (MSF 17/10/25)

O pasado venres día 17 de outubro á Mesa Sectorial trouxeron a proposta de modificación da relación de postos de traballo (RPT) do Instituto Galego de Vivenda e Solo (IGVS) Contido da proposta: Creacións de 24 postos de traballo: 1 posto de director/a, 5 postos de xefatura de servizo, 1 posto de xefatura de oficina técnica ,5 postos de xefatura de sección, 5 postos de...
Martes, 21 Outubro 2025

A CIG denuncia a situación irregular e clientelar das comisións de servizo na Xunta de Galiza, en especial na Consellaría do Medio Rural

Nos últimos días coñecéronse novos anuncios de comisións de servizo na Consellaría do Medio Rural. Algunhas delas corresponden a prazas que xa foron adxudicadas de forma definitiva o 16 de outubro, e cuxas persoas titulares aínda nin sequera tomaron posesión. O persoal funcionario interino que se atopa ocupando esas prazas non foi cesado. Esta situación non é un feito...
Martes, 21 Outubro 2025

Borradores dos procesos selectivos de corpos xerais, PSX, auxiliar de clínica e psicoloxía

Dende a Dirección Xeral de Emprego Público e Administración de Persoal remítenos os borradores de convocatorias dos seguintes procesos selectivos para alegacións ata o venres 31 de outubro ás 15:00 horas. Corpo auxiliar da Administración xeral da Comunidade Autónoma de Galicia, subgrupo C2, escala de persoal de servizos xerais (PSX). PI. Descarga documentación Corpo de...