Novas por contido

A CIG denunciou que varios helicópteros de extinción tiñan helibaldes limitados a menor capacidade do contrato asinado pola Consellería de Medio Rural e a empresa concesionaria.

Polas nosas denuncias a empresa tivo que facer cambios de helicóptero pero nos atopamos coa esperpéntica situación de que un helicóptero con helibalde limitado foi substituído por outro helicóptero cun helibalde tamén limitado.

A empresa UTE-INAER Galicia (actualmente Babcock) /consultaría Natutecnia ,S.L CIF U70449558 contratada pola Xunta de Galicia Consellería de Medio Rural para o servizo de helicópteros e brigadas, con destino ao S.P.D.I.F.

A citada empresa concesionaria ten na base de Marroxo un helicóptero Augusta Bell AB412SP con Matrícula EC-LBL fabricado no ano 1989 co número de serie 25600 que substituíu dende o día 6 de outubro ao anterior despois da nosa denuncia por incumprir o prego de condicións ao levar menos cantidade de auga no bambi e ao faltarlle un escalón para que o persoal puidese subir ao aparato a unha altura menor aos 90 cm.

Ese helicóptero non ten ningún tipo de escaleira ou peldaño para que poda subir a brigada ao citado aparato, tendo que subir demasiada altura o que pode producir lesións durante os traballos de embarque e de desembarque dos integrantes da brigada, podendo dar lugar a posibles accidentes e leva un helibalde limitado con algo máis 1000 litros de auga, moito menos do que establece o pliego condicións técnicas (1300 l).

Á vista do acontecido esiximos, novamente, que se tomen as medidas oportunas para que a empresa solucione o problema da carencia de escaleira para subir ao helicóptero e a correspondente sanción ou rescisión de contrato por incumprimento reiterado das prescricións técnicas do servizo no tocante a capacidade do helibalde.

Outras novas recentes

Venres, 03 Outubro 2025

Persoal da Xunta de Galiza reclama unha solución inmediata á parálise dos concursos de traslados (Concentración 30/09/2025)

A CIG demanda unha prelación xusta, axilidade na resolución, máis medios e a duplicidade dos postos bloqueados por medidas xudiciais Traballadoras e traballadores da Xunta de Galiza concentráronse na mañá do martes 30 de setembro de 2025 diante do edificio administrativo de San Caetano para esixir unha solución inmediata aos concursos de traslados, paralizados dende hai...
Mércores, 01 Outubro 2025

Concurso de traslados de enxeñarías, arquitectura e ciencias: apertura do prazo de toma de posesión

No DOG do 01/10/2025 publican a RESOLUCIÓN do 24 de setembro de 2025, da Dirección Xeral de Emprego Público e Administración de Persoal, pola que se modifica a Resolución do 9 de xullo de 2025 pola que se resolve o concurso ordinario para a provisión de postos de traballo vacantes de corpos e escalas de Administración especial da Administración xeral da Comunidade Autónoma...
Mércores, 08 Outubro 2025

Paros laborais por Palestina. O 15 de outubro, tamén no traballo paremos o xenocidio!

Dende a CIG convocamos unha xornada de loita o 15 de outubro contra o xenocidio do pobo palestino. Chamamos a secundar os paros laborais de catro horas por quenda e a concentrarse nos centros de traballo, nas cidades e nas vilas do País. Anunciamos publicamente a convocatoria dunha xornada de paro xeral en Galiza para o vindeiro 15 de outubro para reclamar a fin do...